Veronica Avluv

Veronica Avluv
persoan yn de seksyndustry
persoanlike bysûnderheden
oare artyste-        nammen	Victoria Sweet
echte namme	Veronica Avluv
nasjonaliteit	Amerikaansk
berne	23 novimber 1972
berteplak	Rowlett (Teksas)
etnisiteit	Iersk Nederlânsk Skotsk
wurkpaad
wurksum as	neakenmodel, stripper, pornoaktrise
jierren aktyf	2010 – no
offisjele webside
www.clubveronicaavluv.com

Veronica Avluv (Rowlett (Teksas), 23 novimber 1972) is in Amerikaansk neakenmodel, stripper en pornografysk aktrise fan mingd Iersk-Nederlânsk-Skotsk etnysk komôf, dy't yn it ferline ek wol gebrûk makke hat fan 'e artystenamme Victoria Sweet. Neffens har offisjele opjefte is se 1.60 m lang, mei in gewicht fan 48 kg en kupmaat 34D, wêrfoar't se in boarstfergruttingsoperaasje ûndergien hat.

Libben en karriêre

Jonkheid

Avluv waard yn 1972 berne yn Rowlett, yn 'e steat Teksas. Har mem wie in konsertpianiste, en as bern song Avluv yn in Teksaansk koar en learde se pianospyljen. Op 'e middelbere skoalle, dy't hja yn har berteplak trochrûn, wie hja it iennichste famke dat oan skateboarden die. Ek song se yn dy snuorje in bandsje.

Karriêre

Sûnt 1990, doe't se achttjin waard, wurke Avluv as stripper yn in ferskaat oan Amerikaanske stripklubs, yn 't earstoan benammen yn Dallas en omkriten. Ek posearre se wol foar neakenblêden. Nei't se in hoartsje opholden wie mei strippen, pakte se dat wurk wer op nei't se ferfearn wie nei Los Angeles, yn súdlik Kalifornje. Dêrnjonken wie Avluv ek wurksum as profesjoneel hierknipster en fisazjiste.

Yn febrewaris 2010, doe't se 37 jier wie, makke se har debút yn in pornografyske film foar it label Girlfriends Films, yn in lesbyske sêne mei kollega-pornoaktrise Jessi Palmer. Neitiid waard hja troch de pornowebside Brazzers frege om har earste heteroseksuële sekssêne te dwaan. Neffens de Internet Adult Film Database (IAFD) hat Avluv sûnt yn mear as 250 pornofilms spile, û.m. foar sokke foaroansteande studio's as Penthouse, Wicked Pictures, Jules Jordan Video, Evil Angel, Zero Tolerance, Adam & Eve, Elegant Angel, Digital Playground, Digital Sin, Diabolic Video, Hustler Video en Devil's Film. Teffens hat se wol wurke foar minder bekende labels, lykas West Coast Productions en Pure Play Media. Fierders hat Avluv ek in protte yn 't spier west foar pornosites op it ynternet, wêrûnder Brazzers en Kink.com.

Avluv hat ûnderwilens (anno 2015) trettjin nominaasjes opgarre foar in AVN Award (de Oscar fan 'e pornowrâld), en yn 2015 wûn se ek yndie in AVN Award, yn 'e kategory bêste byrol fan in aktrise. Fierders wûn hja yn 2013 de XRCO Award yn 'e kategory milf fan it jier.

Yn 2012 fertolke Avluv de gastrol fan Victoria Vandenberg yn fjouwer ôfleverings fan 'e tillefyzjesearje Girls of Sunset Place, dy't útstjoerd waard op it Amerikaanske kabelnetwurk Showtime. Mei kollega-pornoaktrise Teagan Presley begûn Avluv yn 2014 in Twitterkampanje (#BoycottChase) tsjin 'e ûnrjochtfeardige behanneling troch de Chase Bank fan guon fan syn klanten, wêrby't bankrekkens opheft waarden dy't Chase as 'riskant' beoardiele. (Dat belied trof net inkeld lju yn 'e pornoyndustry, mar bgl. ek José Antonio Ocampo, de minister fan Bûtenlânske Saken fan Kolombia.)

Priveelibben

Avluv hat harsels yn fraachpetearen omskreaun as "tige biseksueel," en dêrby oanjûn dat se al sûnt har puberteit seksuële relaasjes mei froulju hân hat. Fan 1996 oant syn ferstjerren oan in hertoanfal op 26 maart 2013 wie Avluv troud mei Hans Avluv. Hja is de mem fan trije bern.

Prizen en nominaasjes

Jier	Priis	Resultaat	Kategory	Foar har optreden yn
2012	AVN Award	nominearre	milf/cougar-artyste fan it jier	n.f.t.
	Xbiz Award	nominearre	milf-artyste fan it jier	n.f.t.
2013	AVN Award	nominearre	bêste anale sekssêne (mei Manuel Ferrara)	Oil Overload 7
		nominearre	bêste groepsekssêne (mei Vanilla DeVille, Francesca Le, Ava Addams en Kieran Lee)	Big Tits at Work 14
		nominearre	milf/cougar-artyste fan it jier	n.f.t.
	Xbiz Award	nominearre	bêste sekssêne yn in publikaasje oer in pearke (mei Marcus London)	My Mother's Best Friend 6
		nominearre	milf-artyste fan it jier	n.f.t.
	XRCO Award	wûn	milf fan it jier	n.f.t.
2014	AVN Award	nominearre	bêste lesbyske groepsekssêne (mei Belle Noire en Tanya Tate)	College Cuties Seduce MILF Beauties
		nominearre	bêste triosekssêne (f/f/m) (mei Sheena Shaw en Manuel Ferrara)	Rump Raiders 4
		nominearre	milf/cougar-artyste fan it jier	n.f.t.
		nominearre	bêste webside fan in pornostjer (foar ClubVeronicaAvluv.com)	n.f.t.
	Xbiz Award	nominearre	milf-artyste fan it jier	n.f.t.
	XRCO Award	nominearre	orgastysk analiste	n.f.t.
		nominearre	milf fan it jier	n.f.t.
2015	AVN Award	nominearre	bêste orale sekssêne	Facialized
		nominearre	bêste POV-sekssêne (mei Mark Wood)	A POV Sphinctacular
		nominearre	bêste triosekssêne (f/f/m) (mei Veruca James en Lexington Steele)	Anal Boot Camp 2
		nominearre	bêste sekssêne mei dûbele penetraasje (mei Rico Strong en Wesley Pipes)	Freaky MILFs
		nominearre	milf/cougar-artyste fan it jier	n.f.t.
		wûn	bêste byrol fan in aktrise	Cinderella XXX: An Axel Braun Parody
	Xbiz Award	nominearre	milf-artyste fan it jier	n.f.t.
	XRCO Award	nominearre	milf fan it jier	n.f.t.

Keppelings om utens

• (in) Offisjele webside fan Veronica Avluv
• (in) Biografy en filmografy fan Veronica Avluv yn 'e Internet Movie Database (IMDb)
• (in) Biografyske gegevens en filmografy fan Veronica Avluv yn 'e Internet Adult Film Database (IAFD)
• (in) Biografyske gegevens fan Veronica Avluv op FreeOnes

Boarnen, noaten en referinsjes

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons Wikimedia Commons  Ofbylden dy't by dit ûnderwerp hearre, binne te finen yn de kategory Veronica Avluv fan Wikimedia Commons.