Us Heit (bier)

Ut Wikipedy
Jump to navigation Jump to search
Us Heit dûbeld weetbier
Biermuseum

Us Heit is in biermerk dat broud wurdt troch de Friese Bierbrouwerij oan de Snitserwei yn Boalsert. It is neamd nei steedhâlder Willem Loadewyk fan Nassau (1560-1620) dy't troch de Friezen 'Us Heit' neamd waard. In stânbyld fan him stiet foar it Steedhâlderlik Hof yn Ljouwert en hy leit begroeven yn de Grutte Tsjerke fan Ljouwert.

De Fryske Bierbrouwerij begûn yn 1985 yn Twellingea. De earste biersoarten binne ek neamd nei nammen út de omkriten lykas it Twels Pilsener en it Buorrebier. Meidat it bedriuw grutter waard, gie de produksje yn 1990 oer nei it eardere fabryk fan Philips op yndustryterrein Houkesleat yn Snits. Doe't de Hegere en Middelbere Skoalle foar Libbensmiddelentechnology fan Boalsert nei Ljouwert ferhuze kaam romte frij foar de brouwerij. Der kaam in priuwlokaal en in museum yn, dêr't mei rûnliedings it brouproses útlein waard.

Hast alle apparatuer en ynstallaasjes binne sûnttiids ferfongen. De kapasiteit gie yn 2000 fan 10 hl nei 20 hl it brousel. Ein 2002 komt der ek in distillearderij by. Ut eigen ambachtlik bier wurdt whisky stookt, dat kin meidat de produkten beide fan de grûnstoffen garst en wetter makke wurde.

Ein novimber 2008 komt der ek noch in eigen mouterij. It bier en de 'single malt whisky' wurde no fan eigen mout makke.

Produkten[bewurkje seksje | boarne bewurkje]

  • Dûbeld weetbier
  • Frysk bier
  • Twels bier: pilsener, spesjaal en bokbier
  • Nuchtere Heit
  • Buorrenbier
  • Alvestêdenbier
  • Krystbier
  • Single malt whisky
  • Frysk Famke kofjelikeur

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: