SK Cambuur Ljouwert

Sportclub Cambuur Leeuwarden
It Cambuur Stadion
Oprjochte	19 juny 1964
Plak	Ljouwert
Stadion	Cambuur Stadion
Kapasiteit	10.000
Foarsitter	Ype Smid
Trener	Henk de Jong
Kompetysje	Earedifyzje
Thúskleuren Utkleuren

SC Cambuur Leeuwarden is in profesjonele fuotbalklup út Ljouwert. De klup waard oprjochte op 19 juny 1964 as de ferfanger fan VV Leeuwarden dy’t nei de amateurs werom kearde. De klup spilet yn it Cambuur stadion dêr't goed 10.000 minsken yn kinne. Cambuur is trije kear nei de Earedifyzje promovearre en spile yn totaal fjouwer jier op it heechste nivo. Sûnt it kampioenskip fan de Jupiler League, behelle yn seizoen 2013/14, komt Cambuur op 'e nij út yn de Earedifyzje.

Oprjochting

Sietse Westra wie de inisjatyfnimmer fan de oprjochting fan SK Cambuur, sa't de klup doedestiids noch hjitte. Westra wie fiif jier, tusken 1964 en 1969, direkteur fan de klup. De namme fan Cambuur waard yn 1988 feroare fan SK Cambuur yn Cambuur Ljouwert.

Cambuur koe it earste jier yn it proffuotbal fuort promovearje nei de Earste Difyzje. Dêr soe Cambuur mear as 25 jier yn fuotbalje. De Ljouwerters hawwe oant 2008 fjouwer jier, yn twa perioades, yn de Earedifyzje spile. De earste kear wie doe't Cambuur as earste yn de Earste Difyzje einige. Dêrnei spile Cambuur yn it seizoen 1992/1993 en 1993/1994 op it heechste fuotbalnivo fan Nederlân. De twadde kear dat Cambuur dêryn spylje soe, wie yn it seizoen 1998/1999 en 1999/2000. It slagge Cambuur yn 1998 te promovearjen troch de neikompetysje te winnen en sa promoasje ôf te twingen. Yn it 2000 degradearre Cambuur en moast werom yn de Earste Difyzje. SC Cambuur hat dêrnei wer 13 jier yn de Earste Difyzje spile. Fia direkte promoasje yn it seizoen 2012/2013, troch it beheljen fan it kampioenskip spilet Cambuur sûnt it seizoen 2013/2014 op 'e nij op it heechste nivo.

Namme, skaaimerk en klaaiïng

Namme

Cambuur is neamd nei de wyk dêr't de klup syn stadion hat, de Cambuursterhoek, ek wol it Cambuurkertier. De namme fan de wyk komt fan de aadlike famylje Fan Cammingha, waans stins op hast itselde plak stie fan it Cambuur stadion fan no.

Skaaimerk

It skaaimerk fan SK Cambuur Ljouwert is eins in nijmoadrige ferzje fan it famyljeskyld fan de Van Cammingha's, dat sa in ferwizing is nei de skiednis fan sawol de namme as de lokaasje.

It wapen hat in giel wapenskyld mei in lizzend hart, dy't de foarpoaten útstrekt. Tegearre mei trije swarte kamen mei allegearre twa rigen swarte tosken: Twa kamen fan boppen en ien kaam ûnder.

Klaaiïng

De klaaiïng fan Cambuur bestiet foar de thúswedstriden út in giel shirt, in blauwe broek en giele sokken. Der wurdt ek wol mei wite sokken spile, as de tsjinstanner ek al mei giele sokken fuotballet. It tenu foar de útwedstriden bestiet út in wyt shirt, blauwe broek en wite sokken.

De kar foar de kleuren komt fan de stedskleuren fan Ljouwert, giel en blau. De Ljouwerter flagge bestiet út fjouwer horizontale banen, blau: giel, blau en giel.

Earelist

Earste difyzje

Winner - 2013.

Neikompetysje

Winner - 1998.

Earste difyzje

Winner - 1992.

Twadde difyzje

Winner - 1957 (as Ljouwert), 1965.

(Bekende) âld-spilers en âld-treners

Johan Abma Pier Alma Willem van der Ark Arno Arts Rob Baan Leo Beenhakker Gregg Berhalter Han Berger Frank Berghuis Jan Bruin Johan Derksen Marinus Dijkhuizen Jack de Gier Fred Grim Jerry Haatrecht Winston Haatrecht Oeki Hoekema

Nico Jan Hoogma Bert Konterman Fritz Korbach Harry van der Laan Carlo de Leeuw Michael Mols Mitar Mrkela Robin Nelisse Rienk Onsman Michel van Oostrum Wim de Ron René van Rijswijk Jaap Stam Leonard van Utrecht Geert Jelle de Vries Oscar Zijlstra Johan Zuidema

Seizoen 2013/14

A Seleksje

Nr.	Namme	Nasjonaliteit	Wed.	Doel.	Posysje	Foarige klup	Kontrakt oant
1	Ruud Swinkels	Nederlân	29	0	Doelman	PSV	2015
2	Wout Droste	Nederlân	140	2	Ferdigener	Go Ahead Eagles	2013
3	Leon Broekhof	Nederlân	34	1	Ferdigener	Roda JC	2015
4	Martijn van der Laan	Nederlân	115	6	Ferdigener	SC Veendam	2015
5	Marlon Pereira	Nederlân	0	0	Ferdigener	SC Veendam	2014
6	Erik Bakker	Nederlân	172	31	Middenfjilder	FC Zwolle	2014
7	Kevin Brands	Nederlân	0	0	Middenfjilder	Willem II hierbasis	2014
8	Marco van der Heide	Nederlân	16	4	Middenfjilder	Flevoboys (amateurs)	2013
9	Martijn Barto	Nederlân	100	19	Oanfaller	Harkemase Boys (amateurs)	2013
12	Michiel Hemmen	Nederlân	155	58	Oanfaller	KVC Westerlo	2013
14	Oebele Schokker	Nederlân	32	5	Oanfaller	Harkemase Boys (amateurs)	2015
15	Mart Dijkstra	Nederlân	40	1	Ferdigener	Harkemase Boys (amateurs)	2013
17	Lucas Bijker	Nederlân	26	0	Ferdigener	eigen jeugd	2015
19	Jody Lukoki	Nederlân	24	5	Oanfaller	AFC Ajax (hierd)	2014
20	Rodney Ubbergen	Nederlân	26	0	Doelman	gjin klup	2013
21	Mohamed El Makrini	Nederlân Berjocht:MA	155	9	Middenfjilder	FC Den Bosch	2013
22	Leonard Nienhuis	Nederlân	42	0	Doelman	SC Veendam	2015 (2016)
23	Johnny de Vries	Nederlân	41	2	Ferdigener	FC Emmen	2013