Mary Birdsong

Ut Wikipedy
Gean nei: navigaasje, sykje
Mary Birdsong
persoanlike bysûnderheden
echte namme Mary Birdsong
nasjonaliteit Flag of the United States.svg Amerikaansk
berne 18 april 1968
berteplak  ? (Floarida)
etnisiteit Flag of the United States.svg Angelsaksysk Amerikaansk
jierren aktyf 1996 – no
prizen Theatre World Award 2007
offisjele webside
www.marybirdsong.com

Mary Birdsong (Floarida, 18 april 1968) is in Amerikaansk aktrise, komediënne en sjongster. Hja is benammen bekend wurden as ferslachjouster foar it komyske praatprogramma The Daily Show, en troch har rollen yn 'e tillefyzjesearjes Reno 911! en Crash & Bernstein.

Libben en karriêre[bewurkje seksje | boarne bewurkje]

Jonkheid[bewurkje seksje | boarne bewurkje]

Birdsong waard yn 1968 berne yn Floarida, mar groeide op yn Long Beach Island, yn 'e steat Nij-Jersey, yn in gesin mei fiif dochters.

Aktearkarriêre[bewurkje seksje | boarne bewurkje]

Yn 1996 sette Birdsong útein mei in karriêre as aktrise, komediënne en sjongster, wêrby't se trochbriek as ferslachjouster foar it komyske praatprogramma The Daily Show, yn 'e tiid dat dat noch presintearre waard troch Jon Stewart. Birdsong wie ek aktyf as imitator en stiet bekend om har goede imitaasje fan aktrise Judy Garland. As aktrise is se wierskynlik it bekendst fan har tillefyzjerollen as helpsheriff Cherisha Kimball, yn 'e komeedzjesearje Reno 911! en as de mem yn 'e bernerige Crash & Bernstein.

Yn 2011 spile Birdsong de rol fan Kai Mitchell, as tsjinspylster fan George Clooney, yn 'e bekroande film The Descendants. Se hat ek wurke as stimaktrise, û.m. yn tekenfilmsearjes as Stroker and Hoop en Harvey Birdman: Attorney at Law. Ek liende se har stim oan in personaazje yn it fideospultsje Grand Theft Auto: Vice City.

Fan july 2006 oant jannewaris 2007 stie Birdsong fierders op 'e planken as fêst lid fan 'e cast fan 'e musical Martin Short: Fame Becomes Me, mei û.o. Martin Short en Nicole Parker. Yn 2007 wûn se foar dat optreden in Theatre World Award. Yn jannewaris 2008 joech Birdsong har by de Broadway-musical Hairspray, wêryn't se de rol fan Velma von Tussle spile.

Fanôf septimber 2008 brocht se yn Los Angeles har eigen ienmansshow 3 Days in the Tub: A Mama Drama op it toaniel. Yn jannewaris 2011 ferhuze hja mei dat stik nei New York. Letter dat jiers spile se yn San Fransisko yn in produksje fan Tales of the City fan Armistead Maupin. Yn 'e mande mei akteur Justin Halpern en komyk Jen Kober spile Birdsong fanôf maaie 2012 yn Los Angeles yn 'e komeedzje Don't Tell My Mother!

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.