Klazienaveen

Ut Wikipedy
Jump to navigation Jump to search
Klazienaveen
Klazienaveen (Molewyk)
Klazienaveen (Molewyk)
Sifers
Ynwennertal 11.853 (2007)
Polityk
Lân Nederlân
Provinsje Drinte
Gemeente Emmen

Klazienaveen (Drintsk: Klazieneveen) is in plak yn de gemeente Emmen, yn de provinsje Drinte.

Geografy[bewurkje seksje | boarne bewurkje]

It kanaaldoarp leit oan de Ferlingde Hegefeanske Feart, lokaal it Van Echtenskanaal hjitten. Ein jierren '70 is it kanaal yn it sintrum foar in part tichtsmiten sadat trochgeand farferkear net mear kin. Yn 2007 is in nij winkelkompleks, lokaal it "'t Schip" neam iepene. De gemeente Emmen is fan doel om mei de tiid it farferkear om Klazienaveen wer mooglik te meitsjen. A37 rint it plak bylâns.

Skiednis[bewurkje seksje | boarne bewurkje]

Klazienaveen is oarspronklik in feankoloanje, stifte yn de 19e iuw troch W.A. Scholten, in Grinzer yndustrieel. Hy ferneamde it plak nij syn frou Klaziena Sluis.[1] Op 14 jannewaris 1904 krige Klazienaveen in stoomtramferbining doe't de Dedemsvaartsche Stoomtramweg-Maatschappij de line Erika - Klazienaveen iepen. Yn 1907 waard it spoar trochlutsen oant Emmer-Compascuum en letter dat jier nei Ter Apel. De ferbining mei Ter Apel waard yn 1940 opheft. De oare linen yn 1947.

It Noritfabryk yn 2008

Anno 2004 is der in túnbougebiet mei in protte kassen. Yn Klazienaveen-Noard wurdt de bûtenpleats Scholtenszathe ûntjûn dêr't wenningbou, boskoanlis, rekreaasje en natuerbou kombinearre wurde. Klazienaveen hat in fabryk fan Norit, dêr't de Norittabletten en -granulaat (tsjin diarree en bynmiddel by itensfergiftiging). Eartiids wie de grûnstof dêrfoar swarte turf, in produkt fan de ferfeanting yn de omkriten. April 2004 waard in nije fabriek iepene.

It besjen wurdich[bewurkje seksje | boarne bewurkje]

  • Feantsjerke út 1902 mei byld út 1996 fan in loegster, in frou dy't turf stode.
  • Filla út 1903, oarspronklik maresjeseekazerne, mei oanboud hûs foar de wachtkommandant.
  • It monumint ta oantins fan it bombardemint op de Puritfabryk yn de Twadde Wrâldkriich.

Tsjerkemienskippen[bewurkje seksje | boarne bewurkje]

Tsjerke fan de Hillige Henrikus

Berne yn Klazienaveen[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Klaziena Sluis op it Verhaal van Groningen