Heechwâld

Ut Wikipedy
Jump to navigation Jump to search

Heechwâld[1][2] (Nederlânsk en offisjeel: Hoogwoud) is in plak yn de West-Fryske gemeente Opmeer yn de Nederlânske provinsje Noard-Hollân. It plak hat 8412 ynwenners (1-1-2018). Heechwâld leit tusken Hoorn en Alkmaar.

Skiednis[bewurkje seksje | boarne bewurkje]

De plaknamme komt yn 1289 foar as Hoechhoutswouder en yn 1396 as Hogherswoude. Lang waard tocht dat de plaknamme ta ûnderskieding fan it doe tichtbylizzende Nederwoude wie. De âldste namme tsjut der lykwols op dat it plak yn in wat heger lizzend wâldgebiet lei.[3] Dit wâld wie moeraswâld en ûndanks ûntginning wie der noch in soad hout, beammen of bosgedieltes oanwêzich.

Heechwâld waard bekend trochdat tichtby dit plak, nei alle gedachten yn de Berkmeer, Willem II fan Hollân yn 1256 sneuvelde yn in slach tsjin de West-Friezen. Yn it gemeentewapen fan de gemeente Opmeer, dêr't Heechwâld yn leit, is dat feit symboalyske werjûn. Willem II waard neidat er finzen nomd wie 'begroeven' efter de hurdplaat fan in pleats yn Heechwâld. Syn soan, Floris V besocht faak om syn heit weerom te finen en yn in eigen gebiet te begraven. Dat slagge mei in slach yn 1282. Dêrby waard Heechwâld plondere en de befolking waard foar in grut part útmoarde troch de Hollanners. Yn 1429 waard Eduard fan Hollân oansteld as hear fan Heechwâld en Aardswoud. Under syn behear krige de stêd har stedsrjochten werom neidat dy yn 1429 ynlutsen wiene.[4][5]

Heechwâld wie oant 1 jannewaris 1979 in selsstannige gemeente mei plakken as Aartswoud, Abbekerkeweere, De Weere, Gouwe, Langereis, Paradijs en Harderwijk. Heechwâld krige yn 1414 stedsrjochten, mar hat feitlik altyd in doarp west.

It besjen wurdich[bewurkje seksje | boarne bewurkje]

Oanwêzige monuminten binne ûnder mear it 18e-iuwske riedhûs en de 17e-iuwske tsjerke mei in doopfont út de 15e iuw. Fierders hat Heechw6ald in tramstasjon út 1910 en yn de midsiuwen hie Heechwâld ek in kastiel: Hûs Heechwâld.[6] Krekt bûten it doarp stiet de poldermole De Vier Winden. Oan de westkant fan it doarp stiet de nôtmole De Lastdrager.

Oer Heechwâld[bewurkje seksje | boarne bewurkje]

De grutste wurkjouwer yn de gemeente Opmeer is Túnsintrum de Boet. Yn Heechwâld wurdt alle jierren in lânboutentoanstelling hâlden en in simmerpopfestival.

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Folkertsma, Eeltsje Boates, en Jonkman, Geart, Boerekinkels: Klankbylden út en om de Slach by Warns, yn: De Tsjerne, jg. 5 (1950), s. 267
  2. Wumkes, G.A., Bodders yn de Fryske Striid, Boalsert, 1926 (A.J. Osinga Utjowerij), gjin ISBN, s. 37
  3. Boarne?
  4. P. Bossen, Kroniek van de dorpen Hoogwoud en Aartswoud, Alkmaar 1938, side 106 en fierder.
  5. W. van Gouthoeven, D'oude Chronijcke ende Historien van Holland (met West-Vriesland) van Zeeland ende van Utrecht, Dordrecht 1620, side 177
  6. http://dwangburchten.nl/hoogwoud/kasthoogwoud2.htm