De Vier Winden (Heechwâld)

Ut Wikipedy
Springe nei navigaasje Springe nei sykjen
De Vier Winden
Hoogwoud Molen De Vier Winden met gemaal.jpg
lokaasje
lân Flag of the Netherlands.svg Nederlân
provinsje Flag of North Holland.svg Noard-Hollân
gemeente Opmeer vlag.svg Opmeer
plak Hoogwoud vlag.svg Heechwâld
adres Langereis 2
bysûnderheden
type bouwurk Poldermûne
boujier 1891
monumintale status Monumentenbordje 2014.svg ryksmonumint
monumintnûmer 31793 [1]
webside De mûne op de side fan it Westfrysk Genoatskip

De Vier Winden is in poldermûne yn it buorskip Langereis by Heechwâld yn it bûtengebiet fan it Noard-Hollânske gemeente Opmar. Eigner fan de mûne is de Stifting De Westfryske Mûnen.

Skiednis[bewurkje seksje | boarne bewurkje]

'De Vier Winden' waard yn 1891 boud foar it droechhâlden fan de polder 'De Lage Hoek' en ferfong in âldere mûne, dy't ôfbaarnd wie troch bliksemynslach. Ynearsten hie de mûne in fizel fan stiel, mar hjoed-de-dei hat de mûne wer in houten fizel.

It skeelde net in soad of de mûne hie der net mear stien. Yn 1960 krige de mûne by in stoarm de silen op 'e hakken en der koe mar krekt tefoarren kommen wurde dat er ôfbaarnde.

De mûne is mealfeardich en wurdt by in soad wetter tegearre mei it gemaal oan it wurk set.

Beskriuwing[bewurkje seksje | boarne bewurkje]

'De Vier Winden' is in achtkante muonts en lykas in soad Noard-Hollânske poldermûnen in binnenkruier. De houten fizel hat in diameter fan 1,9 meter en de fizelbalke sels in diameter fan 60 sintimeter. By genôch wyn kin de fizel likernôch 50 oant 60 m³ wetter ferwurkje. It wjukkenkrús makket 20 draaiïngs en de úteinen fan de wjukken hawwe dan in gong fan likernôch 99 kilometer yn 't oere. De mûne hat in flecht fan 26,2 meter.

De kape fan 'e mûne hat in oare foarm as oare binnenkruiers yn Noard-Hollân. Op fersyk fan de doetiidske mounder is de kape heger makke, sadat er ienfâldiger de boppe-as smarre koe, itjinge noch jimmeroan mei rizel (it búksmoar fan de baarch) dien wurdt.

Allinne op de Nasjonale Mûnedei en op Iepen Monumintedei is de mûne te besjen.

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes: