Hatzum

Ut Wikipedy
Jump to navigation Jump to search
Reiderlân
Herfoarme tsjerke Hatzum

Hatzum is in doarp yn it East-Fryske Reiderlân, yn de gemeente Jemgum. It doarp is boud op in langhalige wierde út de twadde helte fan de achtste iuw. Yn de midsiuwen wie it plak de sit fan de proast fan Hatzum alias Nes. Ta de proasdij (of dekanaat) Hatzum/Nes hearden neffens in let-15e iuwske list fan kerspelen fan it bisdom Múnster 29 aparte kerspelen. In part dêrfan is troch de Doalert ferswolge.

Hatzum hat in romanogoatyske tsjerke mei lossteande toer út de lette 13e iuw. De tsjerke wie earst in krústsjerke, mar it dwersskip en it stiennen ferwulft binne yn de 17e iuw ôfbrutsen. De frijsteande toer waard yn 1850 set. De patroanhillige fan de tsjerke is de hillige Sebastiaan.

Hatzum hat in oerflak fan 9,79 km2 en hat sa'n 196 ynwenners (2005).

Keppelings om utens[bewurkje seksje | boarne bewurkje]