Feereager

feereager
In feereager yn 'e briedperioade, mei rodzige fearren op kop, boarst en rêch. De rest fan it jier binne de fûgels hielendal wyt.
taksonomy
ryk dieren (Animalia) stamme rêchstringdieren (Chordata) klasse fûgels (Aves) skift pilekaaneftigen (Pelecaniformes) famylje reagerfûgels (Ardeidae) skaai reagers (Ardea)
soarte
Ardea ibis
Linnaeus, 1758
IUCN-status: net bedrige
ferspriedingsgebiet
stânfûgel      simmerfûgel      wintergast

De feereager (Ardea ibis, foarh. Bubulcus ibis) is in lytse wite reagersoarte.

Fersprieding

Oarspronklik komt de soart út Afrika. De ôfrûne 50 jier hat de soarte him lykwols ferspraat oer oare kontininten, Aazje, Amerika, Austraalje en Súd-Europa (it suden fan Spanje en Portugal).

Earder waard de fûgel hieltiten faker waarnommen yn Nederlân, mar de fûgel briede net regelmjittich. Sûnt 2021 briedt de feereager alle jierren yn Nederlân. Der is in groeiende populaasje, mei in taname yn 2024 oant 29-31 pearkes.

Suriname

De feereager komt algemien foar yn 'e kuststreek fan Suriname, hjit yn it Sranan sabaku en hat fanwegen syn populariteit model stien foar it logo fan de Surinaamske Loftfeart Maatskippij.

Skaaimerken

De feereager is sa'n 50 cm en bewennet swietwettersompen, kultuerlân en greide.

Fiedsel

De fûgel hat syn namme te tankjen oan it feit dat er faak yn lytse kloften by weidzjend fee tahâldt. It fee jaget faak ynsekten, kikkerts, mûzen en oare bistkes dy't de reager graach mei, út harren skûlplak.

Fuortplanting

Aai fan de feereager

Feereagers nestelje faak yn it selsip fan oare reagersoarten. Yn it briedseizoen kriget de feereager skaaimerken dy't er oars net hat; oan 'e toef, op 'e rêch en op it boarst binne dan in tal lange isabelkleurige sierfearren te sjen binne. Ek de poaten en de snaffel krije dan in wat djipper readige kleur.

Sjoch ek

• lytse wite reager
• sompereager

Keppelings om utens

• SoortenBank.nl beschrijving, afbeeldingen en geluid
• Waarnimmingen yn Nederlân
• Waarnimmingen út Belgje

Boarnen, noaten en/as referinsjes:

Commons Wikimedia Commons  Ofbylden dy't by dit ûnderwerp hearre, binne te finen yn de kategory Bubulcus ibis fan Wikimedia Commons.