Dei fan de Fiskerij

Ut Wikipedy
Jump to navigation Jump to search
Dei fan de Fiskerij
plak en tiid
lân Flag of the Netherlands.svg Nederlân
provinsje Frisian flag.svg Fryslân
gemeente Gjin Flagge (Bekend).PNG Noardeast-Fryslân
plak Paesens and Moddergat vlag.svg Moddergat
Paesens and Moddergat vlag.svg Peazens
holden yn Garnalefabryk en oare
   lokaasjes
datum it lêste wykein yn juny of
   it 1e wykein yn july
bysûnderheden
oanlieding fiskerij
gelegenheid Dei fan it Waad
soarte evenemint festival
bestean 2017 – no
oprjochter Anke Bijlsma
org. troch it Garnalefabryk
offisjele webside
www.garnalefabryk.nl

De Dei fan de Fiskerij (de offisjele namme is Frysktalich) is in evenemint wijd oan 'e fiskerijsektor yn 'e âlde fiskersdoarpen Peazens en Moddergat oan 'e noardeastkust fan Fryslân. Dit barren wurdt sûnt 2017 elts jier yn it lêste wykein yn juny of it earste wykein fan july holden yn it ramt fan 'e bredere Dei fan it Waad. De Dei fan de Fiskerij is in inisjatyf fan Anke Bijlsma en it Garnalefabryk yn Moddergat, yn gearwurking mei Doarpsbelang Peazens-Moddergat en tritich fiskers út Noardeast-Fryslân.

Beskriuwing[bewurkje seksje | boarne bewurkje]

De Dei fan de Fiskerij markearret it begjin fan it seizoen fan 'e garnalefiskerij, en wurdt dêrom formeel iepene troch de Garnalekeninginne fan it Grinslânske Sâltkamp en dy har Fryske hofdames. Dat dogge de trije fammen troch ritueel de garnalefangst oer de seedyk te dragen fan in fiskersboatsje nei it âlde Garnalefabryk, westlik fan Moddergat.

Op 'e Dei fan de Fiskerij wurdt besocht en bring de fiskerijsektor posityf ûnder de oandacht fan it publyk. Dêrta leine bygelyks by de edysje fan 2018 trije kotters deun ûnder de dyk by Moddergat. By floed koene belangstellenden dêr foar besichtiging hinne roeie yn in boatsje, en by êb koene se der oer It Waad hinne rinne. Dêrnjonken biedt de Dei fan de Fiskerij ek demonstraasjes, ynformaasje oer de histoaryske fiskerij en aktiviteiten mei muzyk en iterij.

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  • Oude Tijden Herleven in Vissersdorpen, yn: de Ljouwerter Krante, 27 juny 2018, s. 26.