Anke Bijlsma

Ut Wikipedy
Jump to navigation Jump to search
Anke Bijlsma
Filmklapper.png akteur
persoanlike bysûnderheden
berne 8 maart 1971
berteplak Brantgum
jierren aktyf 2002 - no

Anke Bijlsma (Brantgum, 8 maart 1971) is in Frysk aktrise. Se wennet mei har man Gerrit Breteler yn Nes yn de gemeente Dongeradiel.

Se wie ûnderwizeresse mar joech ek aerobics en dûns. Sûnt 2002 spilet se yn ferskate foarstellings. Moortje, in oersetting en bewurking fan Bredero syn Moortje. Fierders spile se yn Lier fan 't Tricht, skreaun troch Gerrit Breteler. Doe't Tryater har 40-jierrich jublieum hie, waard it 'It Dreamlabfûns' oprjochte. Dat fûns wol benammen jonge akteurs en teatermakkers om Tryater hinne in kâns jaan. Sa spile Anke tegearre mei Marijke Geertsma yn it stik Oer Him.

Mei Gerrit Haaksma spile se yn Katarsis, in kroechteaterstik wat mear as 170 foarstelings yn Fryslân hân hat. Se regisearre de beide ienakters Katarsis II - De Bedimmer dy't troch Gerrit Breteler skreaun binne. Fan him regisearre se ek it teatrale requiem Oer de seedyk, in oade oan de bewenners fan it fiskersdoarp Peazens-Moddergat nei oanlieding fan de Ramp.

Anke Bijlsma is foarsitter fan teatergroep 'Achmea Culpa'. Fanút it bedriuw 'Grut Winia' dat se tegearre mei Gerrit Breteler hat, ûntwikkelet se alle keunstuterings omtrint skilderijen, teater en dûns.
Anke hat in metodyk ûntwikkele foar it tapassen fan dûns yn it ûnderwiis. Sy jout kursussen en workshops oan dosinten en learkrêften.
Foar koaren en brassbands makket sy teatrale bewurkingen foar konserten. Ek presintearret sy bedriuwsgearenkomsten en konserten.