Candy Manson
| Candy Manson | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Candy Mansion, Candy Mason | |
| echte namme | Karolina Kot | |
| nasjonaliteit |  Amerikaansk
| |
| berne | 11 novimber 1983 | |
| berteplak | Chicago (Illinois) | |
| stoarn | 15 jannewaris 2022 | |
| stjerplak | Los Angeles (Kalifornje) | |
| etnisiteit |  Poalsk
| |
| wurkpaad | ||
| wurksum as | neakenmodel, stripper, pornoaktrise | |
| jierren aktyf | 2005 – 2008 & 2010 – 2014 | |
| offisjele webside | ||
| www.candymansonxxx.com | ||
Candy Manson, echte namme: Karolina Kot (Chicago, 11 novimber 1983 – Los Angeles, 15 jannewaris 2022), wie in Amerikaansk neakenmodel, stripper en pornografysk aktrise fan Poalsk etnysk komôf, wa har namme oft ek wol (mis)stavere wurdt as Candy Mansion of Candy Mason. Neffens har offisjele opjefte is se 1.60 m, mei in gewicht fan 55 kg. Hja stiet benammen bekend om har grutte boarsten, fan kupmaat 34G, dy't se krigen hat troch in boarstfergruttingsoperaasje te ûndergean.
Libben[bewurkje seksje | boarne bewurkje]
Karriêre[bewurkje seksje | boarne bewurkje]
Manson wie hikke en tein yn Chicago, yn 'e steat Illinois. Se is de dochter fan Poalske ymmigranten, en waard strang roomsk grutbrocht. Neffens eigen sizzen waard hja ûntfamme doe't hja 16 jier wie. Op har achttjinde, yn 2001, sette se útein mei te wurkjen as stripper yn ferskate stripklubs yn Chicago. Dêrta liet Manson har boarsten fergrutsje oant kupmaat 34DDD. Teffens posearre se as neakenmodel foar ferskillende neakenblêden en wurke se as fetysjmodel foar bondaazjefideo's en om fetysjdracht (lateks guod, foar it meastepart) te showen. Neigeraden dat hja mear súkses krige, begûn se as feature dancer by stripklubs yn 'e hiele Feriene Steaten lâns te reizgjen. Yn 2005 wûn se in neakenmodellewedstryd en waard se útroppen ta Miss Nude Galaxy.
Datselde jiers, doe't se 22 wie, makke Manson har debút yn in pornografyske film. Yn 2007 waard se nominearre foar in AVN Award (de Oscar fan 'e pornoyndustry) yn 'e kategory bêste nije stjer. Yn maaie 2008 liet se har boarsten nochris fergrutsje, no oant kup 32G. Om fan 'e operaasje te bekommen gie se der doe oardel jier tuskenút, mar yn 2010 makke se in comeback. Neffens de Internet Adult Film Database (IAFD) hie Manson yn mear as 170 pornofilms spile, û.m. foar sokke foaroansteande labels as Evil Angel, New Sensations, Red Light District, ClubJenna, Third Degree Films, Platinum X Pictures, Digital Sin, Score, Elegant Angel, Zero Tolerance, Pure Play Media, Jules Jordan Video, Hustler Video, Extreme Associates, Sin City, Wicked Pictures, Digital Playground, Devil's Film en Adam & Eve. Ek wurke se in protte foar pornosites as Reality Kings, Brazzers en Kink.com. Njonken har aktearwurk is se ek noch altyd aktyf as stripper en fetysjmodel.
Ferstjerren[bewurkje seksje | boarne bewurkje]
Manson kaam op 15 jannewaris 2022 te ferstjerren yn har wenplak Los Angeles. Hja waard 38 jier. In famyljelid makke har dea bekend fia Instagram. Oer it hoe en wat waard fierders neat meidield.
Prizen en nominaasjes[bewurkje seksje | boarne bewurkje]
| Jier | Priis | Resultaat | Kategory | Foar har optreden yn |
|---|---|---|---|---|
| 2005 | Miss Nude Galaxy-wedstryd | wûn | Miss Nude Galaxy 2005 | n.f.t. |
| 2007 | AVN Award | nominearre | bêste nije stjer | n.f.t. |
Keppelings om utens[bewurkje seksje | boarne bewurkje]
- (in) Offisjele webside fan Candy Manson
- (in) Biografy en filmografy fan Candy Manson yn 'e Internet Movie Database (IMDb)
- (in) Biografyske gegevens en filmografy fan Candy Manson yn 'e Internet Adult Film Database (IAFD)
| Boarnen, noaten en/as referinsjes: |