SC Cambuur Ljouwert

Ut Wikipedy
(Trochwiisd fan Cambuur Ljouwert)
Jump to navigation Jump to search
Sportclub Cambuur Leeuwarden
It Cambuur Stadion
It Cambuur Stadion
Oprjochte 19 juny 1964
Plak Ljouwert
Stadion Cambuur Stadion
Kapasiteit 10.000
Foarsitter Ype Smid
Trener René Hake
Kompetysje Earste difyzje
Teamkleuren Teamkleuren Teamkleuren
Teamkleuren
Teamkleuren
Thúskleuren
Teamkleuren Teamkleuren Teamkleuren
Teamkleuren
Teamkleuren
Utkleuren

SC Cambuur Leeuwarden is in profesjonele fuotbalklup út Ljouwert. De klup waard oprjochte op 19 juny 1964 as de ferfanger fan VV Leeuwarden dy’t nei de amateurs werom kearde. De klup spilet yn it Cambuur stadion dêr't goed 10.000 minsken yn kinne. Cambuur is trije kear nei de Earedifyzje promovearre en spile yn totaal fjouwer jier op it heechste nivo. Nei it kampioenskip fan de Jupiler League yn 2013 kaam Cambuur op 'e nij even út yn de Earedifyzje. Nei twa jier degradearre de klup lykwols wer.

Oprjochting[bewurkje seksje | boarne bewurkje]

Sietse Westra wie de inisjatyfnimmer fan de oprjochting fan SC Cambuur, sa't de klup doedestiids noch hjitte. Westra wie fiif jier, tusken 1964 en 1969, direkteur fan de klup. De namme fan Cambuur waard yn 1988 feroare fan SC Cambuur yn Cambuur Ljouwert.

Sportive skiednis[bewurkje seksje | boarne bewurkje]

Cambuur koe it earste jier yn it proffuotbal fuort promovearje nei de Earste Difyzje. Dêr soe Cambuur mear as 25 jier yn fuotbalje. De Ljouwerters hawwe oant 2008 fjouwer jier, yn twa perioaden, yn de Earedifyzje spile. De earste kear wie doe't Cambuur as earste yn de Earste Difyzje einige. Dêrnei spile Cambuur yn it seizoen 1992/1993 en 1993/1994 op it heechste fuotbalnivo fan Nederlân. De twadde kear dat Cambuur dêryn spylje soe, wie yn it seizoen 1998/1999 en 1999/2000. It slagge Cambuur yn 1998 te promovearjen troch de neikompetysje te winnen en sa promoasje ôf te twingen.

Yn 2000 degradearre Cambuur en moast it werom yn de Earste Difyzje. SC Cambuur hat dêrnei wer 13 jier yn de Earste Difyzje spile. Fia direkte promoasje yn it seizoen 2012/2013, troch it beheljen fan it kampioenskip spilet Cambuur sûnt it seizoen 2013/2014 op 'e nij op it heechste nivo.

It aventoer yn de Earedifyzje duorre krekt as de oare kearen twa seizoenen. Yn 2016 degradearren de Ljouwerters wer en sûnt dy tiid spilet Cambuur wer yn de Earste Difyzje.

Namme, skaaimerk en klaaiïng[bewurkje seksje | boarne bewurkje]

Namme[bewurkje seksje | boarne bewurkje]

Cambuur is neamd nei de wyk dêr't de klup syn stadion hat, de Cambuursterhoek, ek wol it Cambuurkertier. De namme fan de wyk komt fan de aadlike famylje Fan Cammingha, waans stins op hast itselde plak stie fan it Cambuur stadion fan no.

Skaaimerk[bewurkje seksje | boarne bewurkje]

It skaaimerk fan SC Cambuur Ljouwert is eins in nijmoadrige ferzje fan it famyljeskyld fan de Van Cammingha's, dat sa in ferwizing is nei de skiednis fan sawol de namme as de lokaasje.

It wapen hat in giel wapenskyld mei in lizzend hart, dy't de foarpoaten útstrekt. Tegearre mei trije swarte kamen mei allegearre twa rigen swarte tosken: Twa kamen fan boppen en ien kaam ûnder.

Klaaiïng[bewurkje seksje | boarne bewurkje]

De klaaiïng fan Cambuur bestiet foar de thúswedstriden út in giel shirt, in blauwe broek en giele sokken. Der wurdt ek wol mei wite sokken spile, as de tsjinstanner ek al mei giele sokken fuotballet. It tenu foar de útwedstriden bestiet út in wyt shirt, blauwe broek en wite sokken.

De kar foar de kleuren komt fan de stedskleuren fan Ljouwert, giel en blau. De Ljouwerter flagge bestiet út fjouwer horizontale banen, blau: giel, blau en giel.

Earelist[bewurkje seksje | boarne bewurkje]

Earste difyzje
Winner - 2013.
Neikompetysje
Winner - 1998.
Earste difyzje
Winner - 1992.
Twadde difyzje
Winner - 1957 (as Ljouwert), 1965.

(Ferneamde) âld-spilers en âld-trainers[bewurkje seksje | boarne bewurkje]

Seizoen 2018/19[bewurkje seksje | boarne bewurkje]

A-seleksje[bewurkje seksje | boarne bewurkje]

Nr. Namme Nat. Foarige klup Kontrakt oant
Keepers
1 Xavier Mous flagge fan Nederlân flagge fan Nederlân FC Oss 30 juny 2020
12 Pieter Bos flagge fan Nederlân flagge fan Nederlân SC It Hearrenfean 30 juny 2019
Ferdigeners
2 Jordy van Deelen flagge fan Nederlân flagge fan Nederlân FC Dordrecht 30 juny 2020
3 Emmanuel Mbende flagge fan Kameroen flagge fan Dútslân Chemnitzer FC 30 juny 2019 (optie + 1 jier)
4 Matthew Steenvoorden flagge fan Nederlân flagge fan Nederlân FC Dordrecht 30 juny 2019
5 Sai van Wermeskerken flagge fan Japan
flagge fan Nederlân
flagge fan Nederlân FC Dordrecht 30 juny 2019 (opsje + 1 jier)
14 Robert van Koesveld flagge fan Nederlân flagge fan Nederlân SC It Hearrenfean 30 juny 2019
21 Robbert Schilder flagge fan Nederlân flagge fan Nederlân FC Twinte 30 juny 2019 (opsje + 1 jier)
24 David Sambissa flagge fan Frankryk flagge fan Nederlân FC Twinte 30 juny 2019
Middenfjilders
6 Kevin Schindler flagge fan Dútslân flagge fan de Feriene Steaten FC Cincinnati 30 juny 2019 (opsje + 1 jier)
16 Daan Boerlage flagge fan Nederlân flagge fan Nederlân Jong Cambuur 30 juny 2019
18 Julian Calor flagge fan Nederlân flagge fan Nederlân SBV Vitesse 30 juny 2019
20 Robin Maulun flagge fan Frankryk flagge fan Frankryk Trélissac FC 30 juny 2019 (opsje + 1 jier)
22 Andrejs Cigaņiks flagge fan Letlân flagge fan Dútslân FC Schalke 04 30 juny 2019 (opsje + 1 jier)
27 Kevin Jansen flagge fan Nederlân flagge fan Dútslân NEC 30 juny 2019
31 Nino van den Beemt flagge fan Nederlân flagge fan Nederlân Jong Cambuur
Oanfallers
7 Issa Kallon flagge fan Nederlân flagge fan Nederlân FC Utrecht 30 juny 2019 (opsje + 1 jier)
8 Matías Jones flagge fan Urûguay flagge fan Urûguay Atlético River Plate 30 juny 2019 (opsje + 1 jier)
9 Nigel Robertha flagge fan Nederlân flagge fan Nederlân Feyenoord 30 juny 2019 (opsje + 1 jier)
17 Tyrone Conraad flagge fan Nederlân flagge fan Nederlân Jong Cambuur 30 juny 2019
19 Sam Hendriks flagge fan Nederlân flagge fan Belgje OH Leuven 30 juny 2019 (hier)
29 Kevin van Kippersluis flagge fan Nederlân flagge fan Nederlân FC Volendam 29 juny 2019 (opsje + 1 jier)