Æbe Haima

	Æbe Haima
	keatser
	persoanlike bysûnderheden
echte namme	Æbe Tjeerd Haima
nasjonaliteit	Nederlânsk
bertedatum	2 febrewaris 1927
berteplak	Doanjum
stjerdatum	22 augustus 2002
stjerplak	Weidum
etnisiteit	Frysk
	sportive ynfo
PC	1946; 1947
debút	1945
karriêre-ein	1973
	wichtige prestaasjes
	goud 1x de Bond 1962

Æbe Haima (folút: Æbe Tjeerd Haima; Doanjum, 2 febrewaris 1927 - Weidum, 22 augustus 2002) wie in ferneamde Fryske keatser dy't twa kear de PC wûn hat. Hy hat jierrenlang húsdokter yn Weidum west, fan 1956 oant 1992.

Keatskarriêre

Æbe Haima makke syn debút op it heechste nivo fan de KNKB yn 1945, doe't er noch mar 18 jier âld wie. Syn keatskarriêre soe mei ûnderbrekkingen fanwege stúdzje en syn wurk as húsdokter mar leafst oant 1973 ta duorje. Syn grutste suksessen helle hy lykwols oan it begjin fan syn rinbaan: Sawol yn 1946 as yn 1947 wûn hy tegearre mei keatsleginde Hotze Schuil de PC. Ek op oare klassikers op keatsgebiet stie hy yn de krânse: De Rengersdei wûn hy yn syn debútjier en hy waard dêr fuort ta kening útroppen. Dy selde eare kaam him yn 1951 op de Aldehoupartij ta.

Lêste sukses

Syn lêste grutte sukses helle Haima yn 1962 doe't hy tegearre mei Durk Talsma en Pier Koopmans foar Weidum de bûnspartij wûn.

Ivich klassemint

Æbe Haima stie meiïnoar 57 kear yn de finale, wêrfan hy 26 wist te winnen. Mei noch 34 lytse preemjes komt syn totaal foar it ivich keatsklassemint út op 172 punten. By syn ferstjerren yn 2002 stie hy dêrmei op in 127ste plak.

Prizen

1945 - de Bond 4e priis
1945 - Jong Nederlân 3e priis
1945 - PC 2e priis
1946 - PC 1e priis
1947 - PC 1e priis
1948 - PC 2e priis
1951 - de Bond 2e priis
1952 - PC 4e priis
1954 - PC 4e priis
1956 - de Bond 6e priis
1960 - de Bond 7e priis
1961 - de Bond 7e priis
1962 - de Bond 1e priis
1962 - PC 2e priis
1965 - de Bond 5e priis
1971 - de Bond 7e priis
1972 - de Bond 3e priis
1973 - de Bond 5e priis