Cassidy Banks
| Cassidy Banks | ||
 persoan yn de seksyndustry
| ||
| Ofbyld:Cassidy Banks.jpg | ||
| persoanlike bysûnderheden | ||
| oare artyste- nammen |
Cassidy Ellis | |
| echte namme | Shea Mary Sergio | |
| nasjonaliteit |  Amerikaansk
| |
| berne | 17 augustus 1993 | |
| berteplak | Denver (Kolorado) | |
| etnisiteit |  Portorikaansk
| |
| wurkpaad | ||
| wurksum as | neakenmodel, stripper, pornoaktrise | |
| jierren aktyf | 2014 – no | |
| offisjele webside | ||
| gjint | ||
Cassidy Banks, echte namme: Shea Mary Sergio (Denver (Kolorado), 17 augustus 1993), is in Amerikaansk neakenmodel, stripper en pornografysk aktrise fan etnysk Portorikaansk komôf, dy't yn it ferline ek wol wurke hat ûnder de skûlnamme Cassidy Ellis. Hja sette yn 2014 útein mei in wurkpaad yn 'e Amerikaanske pornoyndustry en spile sûnt yn frijwat films.
Libben en karriêre
Banks waard yn 1993 berne yn Denver, yn 'e Amerikaanske steat Kolorado. Yn 2014, doe't se 21 jier wie, makke se har debút as aktrise yn in pornografyske film. Neffens de Internet Adult Film Database (IAFD) hie se begjin 2016 yn krapoan sechstich pornofilms spile, û.m. foar sokke foaroansteande labels as Wicked Pictures, Elegant Angel, New Sensations, Digital Playground, Hustler Video, Evil Angel, Digital Sin en Jules Jordan Video.
Fierders hat se ek wol yn 't spier west fan minder bekende fideo's lykas Girlfriends Films, Mile High Media, Third Degree Films en Pure Play Media. Noch mear hat Banks lykwols wurke foar pornowebsiden op it ynternet, wêrûnder BangBros, Reality Kings, Brazzers en Naughty America. Njonken har aktearwurk is Banks ek aktyf as neakenmodel, wêrby't se posearre hat foar ferskate Amerikaanske neakenblêden, wylst se fierders ek as stripper wurke hat.
Lichemsskaaimerken
Cassidy Banks is blank, mei griene eagen en brún hier. Neffens har offisjele opjefte is se 1.70 m lang, mei in gewicht fan 55 kg, en in natuerlike grutte kupmaat 38DD. Hja hat gjin piercings behalven troch har earlellen, mar wol ferskate tatoeaazjes: in hertsje tusken de tomme en de wiisfinger op har lofterhân; in floral oan 'e lofterkant fan har ûnderbúk; in tekst oer har lofterside; en in blom op 'e binnenkant fan har lofterûnderearm.
Keppelings om utens
- (in) Biografy en filmografy fan Cassidy Banks yn 'e Internet Movie Database (IMDb)
- (in) Biografyske gegevens en filmografy fan Cassidy Banks yn 'e Internet Adult Film Database (IAFD)
- (in) Biografyske gegevens fan Cassidy Banks op FreeOnes
| Boarnen, noaten en/as referinsjes: |