Bobbi Eden
| Bobbi Eden | ||
 persoan yn de seksyndustry
| ||
| ||
| persoanlike bysûnderheden | ||
| oare artyste- nammen |
Bobby Eden, Bobbie Eden, Vixen De Ville | |
| echte namme | Priscilla Hendrikse | |
| nasjonaliteit |  Nederlânsk
| |
| berne | 4 jannewaris 1980 | |
| berteplak | De Haach (Súd-Hollân) | |
| etnisiteit | Nederlânsk
| |
| wurkpaad | ||
| wurksum as | neakenmodel, stripper, pornoaktrise | |
| jierren aktyf | 2001 – no | |
| offisjele webside | ||
| www.bobbieden.com | ||
Bobbi Eden, echte namme: Priscilla Hendrikse (De Haach, 4 jannewaris 1980), is in Nederlânsk neakenmodel, stripper, pornografysk aktrise en kollumniste.
Karriêre
[bewurkje seksje | boarne bewurkje]Eden makke har debút yn in pornografyske film yn 2001. Sûnt hat se neffens de Internet Adult Film Database (IAFD) yn likernôch 100 pornofilms spile. Yn 2006 en 2007 wûn se de European X Award foar bêste Jeropeeske aktrise, resp. bêste aktrise út 'e Benelúks. Njonken har aktearwurk hat se posearre foar in stikmannich neakenblêden, wêrûnder de Nederlânske Penthouse, Club, Men Only en Soho. Fierders skreau hja yn it ferline kollums foar it neakenblêd Passie en it pornobledsje Chick. Op 't heden hat se in kollum yn 'e Panorama.
Eden spile yn 'e fideoklip fan it nûmer Watch Out, fan 'e Nederlânsk dj Ferry Corsten. Dêryn reest in petiterich lytse Corsten yn in radiografysk bestjoerbere reesauto om in reuseftige Bobbi Eden hinne, dy't de ôfstânsbetsjinning yn 'e hannen hat.
Under it WK fuotbal 2010 joech Eden frijwat opsjoch troch har oankundiging op Twitter dat se al har Twitterfolgers oraal befredigje soe as Nederlân kampioen waard. Dat ûnthjit hie in grutte taname fan har folgers ta gefolch. Lokkigernôch foar har liet it Nederlânske alftal it sitte.
Yn septimber 2012 krige Eden har eigen realityshow op 'e kabelstjoerder Meiden van Holland, fan Kim Holland. Har offisjele website heart ta it VNA-netwurk fan sites mei dy fan pornostjerren as Vicky Vette, Puma Swede, Julia Ann en Nikki Benz. Yn it foarjier fan 2014 brocht se in autobiografy op 'e merk wêryn't se neat efter hold. Letter datselde jiers wie Eden mei har man op 'e tillefyzje te sjen yn har eigen realitysearje Dubbel D in L.A., dêr't har freondinne Puma Swede ek oan meidie.
Prizen en nominaasjes
[bewurkje seksje | boarne bewurkje]| Jier | Priis | Resultaat | Kategory | Foar har optreden yn |
|---|---|---|---|---|
| 2006 | European X Award | wûn | bêste Jeropeeske aktrise | n.f.t. |
| 2007 | European X Award | wûn | bêste aktrise út 'e Benelúks | n.f.t. |
| 2013 | AVN Award | nominearre | bêste website fan in solo-aktrise | n.f.t. |
Keppelings om utens
[bewurkje seksje | boarne bewurkje]- (in) Offisjele webside fan Bobbi Eden
- (in) Biografy en filmografy fan Bobbi Eden yn 'e Internet Movie Database (IMDb)
- (in) Biografyske gegevens en filmografy fan Bobbi Eden yn 'e Internet Adult Film Database (IAFD)
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |