European X Award

Ut Wikipedy
Jump to navigation Jump to search
European X Award
algemiene ynformaasje
nasjonaliteit Flag of Belgium (civil).svg Belgysk
útrikt foar pornografyske film
útrikt troch Ynt. Erotyk Festival fan Brussel
frekwinsje 1x jiers
plak Brussel (Belgje)
1e útrikking 1995
offisjele webside
gjint

De European X Awards binne in groep Jeropeeske filmprizen dy't ienris yn it jier takend wurde foar de bêste pornografyske films op it Ynternasjonaal Erotyk Festival fan Brussel. Dat is in fak- en publyksbeurs foar de Jeropeeske pornoyndustry dy't eltse febrewaris yn 'e Belgyske haadstêd Brussel holden wurdt. De útrikking fan 'e European X Awards foarmet dêrfan de wichtichste seremoanje.

It festival waard foar it earst organisearre yn 1993, wylst de prizen foar it earst yn 1995 útrikt waarden. De European X Awards binne ferdield oer in stikmannich kategoryen, lykas bêste Jeropeeske film, regisseur, akteur en aktrise, dy't dan faak wer ûnderferdield wurde oer ôfsûnderlike lannen of groepen fan lytsere lannen, sadat der bygelyks ek prizen útrikt wurde foar de bêste aktrise út Frankryk, Spanje, Dútslân, Itaalje, Hongarije, de Benelúks en Skandinaavje. Sa wûn Rita Faltoyano yn 2004 de European X Award foar bêste aktrise (Hongarije) en Katsuni dy foar bêste aktrise (Frankryk), wylst de Nederlânske Bobbi Eden yn 2007 de priis foar bêste aktrise (Benelúks) wûn.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.