SK Cambuur Ljouwert

Sportklub Cambuur Ljouwert
It Cambuur Stadion
Oprjochte	19 juny 1964
Plak	Ljouwert
Stadion	Cambuur Stadion
Kapasiteit	10.000
Foarsitter	Ype Smid
Trener	Alfons Arts
Kompetysje	Earste Divyzje
Thúskleuren Utkleuren

SK Cambuur Ljouwert is in profesjonele fuotbalklub út Ljouwert. De klup waard oprjochte op 19 juny 1964 as de ferfanger fan VV Ljouwert dy’t nei de amateurs werom kearde. De klup spilet yn it Cambuur stadion dêr't goed 10.000 minsken yn kinne. Cambuur hat twa kear promovearre west nei de Earedivyzje en spile yn totaal fjouwer jier op it heechste nivo. Sûnt de lêste degradaasje yn 2000 komt de Ljouwerter klup wer út yn de Earste Dyvyzje.

Oprjochting

Sietse Westra wie de ynisjatyfnimmer fan de oprjochting fan SK Cambuur, sa't de klub doedestiids noch hjitte. Westra wie sels fiif jier, tusken 1964 en 1969, direkteur fan de klub. De namme fan Cambuur waard yn 1988 feroare fan SK Cambuur yn Cambuur Ljouwert.

Cambuur wist yn it earste jier yn it proffuotbal fuort te promovearjen nei de Earste Divyzje. Dêr soe Cambuur mear as 25 jier yn fuotbalje. De Ljouwerters ha oant 2008 fjouwer jier, yn twa perioades, yn de Earedivyzje spile. De earste kear wie doe't Cambuur as earste yn de Earste Divyzje wist te einigjen. Dêrop spile Cambuur yn it seizoen 1992/1993 en 1993/1994 op it heechste fuotbalnivo fan Nederlân. De twadde kear dat Cambuur dêr yn spylje soe, wie yn it seizoen 1998/1999 en 1999/2000. Cambuur wist yn 1998 te promovearjen troch de neikompetysje te winnen en sa promoasje ôf te twingen. Sûnt 2000 spilet Cambuur wer yn de Earste Divyzje.

Namme, skaaimerk en klaaiïng

Namme

De namme fan Cambuur komt fan de wyk wêr't de klub harren stadion stean hat, de Cambuursterhoek, ek wol it Cambuurkertier. De namme fan dizze wyk komt fan nei de aadlike famylje fan de Fan Cammingha's, dy't harren stins op hast itselde plak stean hienen as wêr't no it Cambuur stadion stiet.

Skaaimerk

It skaaimerk fan SK Cambuur Ljouwert is eins in nijmoadriche ferzje fan it famyljeskyld fan de Fan Cammingha's, dat sa in ferwizing is nei de ryke skiednis fan sawol de namme as de lokaasje.

It wapen is te omskriuwen as ien giel wapenskyld mei in lizzend hert deryn, de foarpoten útstrekt. Tegearre mei trije swarte kamen met allegear twa rigen swarte tosken: Twa kamen fan boppe en ien kaam ûnder.

Klaaiïng

De klaaiïng fan Cambuur bestiet foar de thúswedstriden út in giel shirt, in blauwe broek en giele sokken. Der wurdt ek wol mei wite sokken spile, as de tsjinstanner ek al mei giele sokker fuotballet. It tenu foar de útwedstriden bestiet út in wyt shirt, blauwe broek en wite sokken.

De kar foar de kleuren komt fan de stêdskleuren fan Ljouwert, giel en blau. De Ljouwerter flagge bestiet út fjouwer horisontale banen, blau: giel, blau en giel.

Earelist

Earste divyzje

Winner - 1992.

Neikompetysje

Winner - 1998.

Twadde divyzje

Winner - 1957 (as Ljouwert), 1965.

(Bekende) âld-spilers en âld-treners

Johan Abma Pier Alma Willem van der Ark Arno Arts Rob Baan Leo Beenhakker Gregg Berhalter Han Berger Frank Berghuis Jan Bruin Johan Derksen Marinus Dijkhuizen Jack de Gier Fred Grim Jerry Haatrecht Winston Haatrecht Oeki Hoekema

Nico Jan Hoogma Bert Konterman Fritz Korbach Harry van der Laan Carlo de Leeuw Michael Mols Mitar Mrkela Robin Nelisse Rienk Onsman Michel van Oostrum Wim de Ron René van Rijswijk Jaap Stam Leonard van Utrecht Geert Jelle de Vries Oscar Zijlstra Johan Zuidema

Seizoen 2012/13

A-seleksje

Nr.	Namme	Nasjonaliteit	Wed.	Doel.	Posysje	Foarige klup	Kontrakt oant
1	Dennis Telgenkamp	Nederlân	2	0	Doelman	Heracles Almelo	2013
2	Wout Droste	Nederlân	126	2	Ferdigener	Go Ahead Eagles	2013
3	Leon Broekhof	Nederlân	26	1	Ferdigener	Roda JC	2015
4	Martijn van der Laan	Nederlân	62	2	Ferdigener	SC Veendam	2013
5	Jonathan Vosselman	Nederlân	168	0	Ferdigener	Go Ahead Eagles	2013
6	Erik Bakker	Nederlân	140	21	Middenfjilder	FC Zwolle	2013
7	Yuri Rose	Nederlân	402	104	Middenfjilder	Heracles Almelo|Sc Heerenveen|Sparta Rotterdam|De Graafschap	2012
8	Marco van der Heide	Nederlân	0	0	Middenfjilder	Flevoboys (ama)	2013
9	Martijn Barto	Nederlân	3	0	Oanfaller	Rkc Waalwijk|Helmond Sport|Harkemase Boys(ama)	2013
11	Melvin de Leeuw	Nederlân	105	21	Oanfaller	RBC Roosendaal	2013
12	Michiel Hemmen	Nederlân	130	43	Oanfaller	Bv Veendam|AGOVV|Kvc Westerlo	2013
14	Oebele Schokker	Nederlân	2	0	Oanfaller	Harkemase Boys (ama)	2013
15	Mart Dijkstra	Nederlân	2	0	Ferdigener	Harkemase Boys (ama)	2013
16	Alim Öztürk	Nederlân	0	0	Middenfjilder	eigen jeugd	2012
17	Lucas Bijker	Nederlân	0	0	Ferdigener	eigen jeugd	2014
19	Frits Dantuma	Nederlân	1	0	Middenfjilder	eigen jeugd	2012
20	Leonard Nienhuis	Nederlân	0	0	Doelman	Sc Veendam	2013
21	Mohamed El Makrini	NederlânBerjocht:MA	3	0	Middenfjilder	FC Den Bosch	2012
23	Johnny de Vries	Nederlân	0	0	Ferdigener	FC Emmen	2013
24	Sicco Bouwer	Nederlân	0	0	Oanfaller	eigen jeugd	2012
25	Vincent Weijl	Nederlân	2	0	Oanfaller	Helmond Sport|Sd Eibar
30	Tim Bakens	Nederlân	215	14	Oanfaller	RKC Waalwijk|Fc Volendam|Sparta Rotterdam|Fc Volendam|Fc Sankt Gallen	2013