Sandor van der Heide

Sandor van der Heide (Ysbrechtum, 30 maart 1978) is in Nederlânsk proffuotballer dy't op it heden útkomt foar earstedivisionist SC Cambuur-Leeuwarden. Hy spile earder foar it Dútse SV Waldhof Mannheim en amateurklub ONS Sneek.

Wurkpaad

Ysbrechtum, tichtby Snits, dêr't Van der Heide de earste jierren fan syn libben trochbrocht.

Jeugd

Van der Heide waard berne yn it Fryske doarp Ysbrechtum. Hy sette útein mei fuotbaljen by de amateurklup LSC 1890 út Snits, dêr't hy kaam te wenjen en ferruile dizze klup foar it gruttere VV Sneek. Troch sc Heerenveen waard syn talint foar fuotbaljen opmurken en kaam terjocht op har talinteskoalle. Nettsjinsteande dat mocht er net bliuwe en foel ôf mar de oare profklup fan Fryslân Cambuur wie wol yn him ynteressearre en dêr trochrûn hy de hiele jeugdopleiding. Op 19-jierrige leeftyd debutearre hy yn it betelle fuotbal.

Opkomst

Yn syn earste seizoen by Cambuur spile Sandor as oanfaller 13 wedstriden, en promovearre mei de klup nei de Earedivyzje. Fan de bondscoach Han Berger krige hy in útnoeging om diel út te meitsjen fan de seleksje Jong Oranje, mei destiids ûnder mear Mark van Bommel, Jan Vennegoor of Hesselink, Wilfred Bouma, Niels Oude Kamphuis, Kevin Hofland, Kiki Musampa, Nordin Wooter en Robin Nelisse. It bleau lykwols mar by ien wedstryd en inkele treningsstaazjes.

Nei Dútslân en wer werom

Van der Heide stie ûnder kontrakt by SV Waldhof Mannheim, mar spile úteinlik gjin ien wedstryd yn it Carl Benz Stadion fan de klup.

Yn 2000 degradearre Cambuur nei de Earstedivysje. Van der Heide skoare dat seizoen yn 22 wedstriden 12 kear, en ferskate klups hienen ynteresse yn him. In oergong nei AZ ketste ôf en úteinlik keas Sandor foar it Dútske SV Waldhof Mannheim, dat útkaam yn de twadde Budesliga. Lykwols fielde hy him by de klup út Mannheim net op syn plak. Hy krige gjin oansluting by syn meispilers, koe net oerwei mei de protte rintreningen en wie ûnwennich. Nei wat friksjes waard syn kontrakt ûntbûn en mocht werom komme by Cambuur.

Yn Ljouwert fûn Sandor syn foarm werom, spile 24 wedstriden, dêr't hy 7 kear it net yn fûn. Lykwols hied er syn nocht fan it betelle fuotbaljen en besluet it jier dêrop as prof. Nettjinsteande goede oanbiedings fan oare klups keas er foar de earsteklasse ONS Sneek.

Oerstap nei it amateurfuotbal

Yn Snits groeide Van der Heide út ta ien fan de dragende spilers en mei troch syn goede spul promovearre ONS Sneek yn 2004 nei de Haadklasse fan de amateurs. Mei Snits waard hy twa jier letter kampioen.

Werom yn Ljouwert

Cambuur bliuw lykwols freegjen oft er werom komme woe en yn 2007 makke hy syn comeback yn it betelle fuotbal.

Statistiken

Seizoen	Klup	Lân	Kompetysje	Wed.	Goals
1997/98	Cambuur Leeuwarden		Earstedivysje	13	0
1998/99	Cambuur Leeuwarden		Earedivysje	26	5
1999/00	Cambuur Leeuwarden		Earstedivysje	27	7
2000/01	Cambuur Leeuwarden		Earstedivysje	22	12
2001/02	SV Waldhof Mannheim		2. Bundesliga	0	0
	Cambuur Leeuwarden		Earstedivysje	24	7
2007/08	SC Cambuur-Leeuwarden		Earstedivysje	23	3
2008/09	SC Cambuur-Leeuwarden		Earstedivysje	33	9
2009/10	SC Cambuur-Leeuwarden		Earstedivysje	4	2
Totaal				172	45
Bywurke oant	21 oktober 2009

Sjoch ek

• List fan spilers fan SC Cambuur

Keppeling om utens

• (nl) Profyl en statistiken fan Sandor van der Heide op vi.nl