Demokratyske Republyk Kongo

Ut Wikipedy
Gean nei: navigaasje, sykje
République Démocratique du Congo
Flagge fan Demokratyske Republyk Kongo Wapen fan Demokratyske Republyk Kongo
Flagge Wapen
Lokaasje fan Demokratyske Republyk Kongo
Offisjele taal Frânsk, Lingala, Kikongo, Swahili en Tshiluba
Haadstêd Kinsjasa
Steatsfoarm Republyk
Gebiet
% wetter
2.344.858 km²
3,3­%
Ynwenners (2007) 63.655.000
Munt Kongoleeske frank (CDF)
Tiidsône UTC +1/+2
Nasjonale feestdei 30 juni
Lânkoade COD
Ynternet .cd
Tillefoan 243

De Demokratyske Republyk Kongo ek wol Kongo-Kinsjasa is in lân yn Afrika. De haadstêd is Kinsjasa. De Demokratyske Republyk Kongo is net itselde lân as de Republyk Kongo.

Geografy[bewurkje seksje | edit source]

Lizzing[bewurkje seksje | edit source]

It lân wurdt begrinzge troch

Lânskip[bewurkje seksje | edit source]

Kongo-Kinsjasa is it op twa nei grutste lân fan Afrika en leit yn it Saire-bekken, in 200 oant 400 meter hege flakte. Yn it easten wurdt it troch de Sintraal-Afrikaanske Slinke en yn it westen troch de rivieren Kongo en Kuango begrinze.

It lân omfiemet it grutste part fan it streamgebiet fan de Kongorivier, dy't sawat in miljoen kante kilometer beslagget en dêr't de Livingstonewetterfallen ek yn lizzen. De heechste bergen fan it lân binne de Firunga-fulkaan en it Ruwenzory-massyf.

Yn it lân lizze in tal grutte marren, dêr't de grutste mar de Tanganyikamar fan is, oare grutte marren binne de Albertmar, de Edwardmar en de Kivumar. Al dy marren lizze oan de eastgrins.

Skiednis[bewurkje seksje | edit source]

Yn 1885 waard de Kongo privee-besit fan de Belgyske kening, dy't systematysk de âlde stamgebieten útinoar helle. It lân stie doe bekend as Belgysk Kongo. Op 30 juny 1960 waard it ûnôfhinklik fan Belgje en krige it de namme Kongo-Kinsjasa, nei de haadstêd. Yn 1971 waard keazen foar de namme Saïre dat wer feroare waard yn Demokratyske Republyk Kongo yn 1997.

Demografy[bewurkje seksje | edit source]

Befolking[bewurkje seksje | edit source]

Neffens de Feriene Naasjes wie de befolking sûnt 1997 fan 46,7 miljoen útwaakse ta om-ende-by 62.6 miljoen yn 2007. Yn it lân libje mear as 250 etnyske groepen. De grutste befolkingsgroep binne de Kongo, Luba en Mongo.

Taal[bewurkje seksje | edit source]

Hoewol't sânhûndert lokale talen en dialekten sprutsen wurde, wurdt de taalkundige diversiteit oerbrêge troch it wiidferspraat gebrûk fan it Frânsk en yntermediêre talen lykas Kongo, Tshiluba, Swahily en Lingala.

Religy[bewurkje seksje | edit source]

Mear as 80% fan de befolking is kristen, dêr't 50% fan roomsk-katolyk, 30% protestants en 17% dy't by ferskate ynhiemske tsjerkegenoatskippen hearre.

Neist kristenen binne yn Kongo ek moslims, dy't mar in lyts part fan de befolking útmakke. Hoewol't lyts in tal hawwe de Moslims wol altyd in wichtich plak ynnommen yn de skiednis.

Utsein kristenen en moslims binne der ek noch baha'i's en oanhingers fan natoerreligys.