Wieringermar
| Wieringermar Wieringermeer | |
|---|---|
 De Wieringermar fan 'e Wieringerringdyk sjoen | |
| flagge | wapen |
 |
 |
| lokaasje | |
 | |
| polityk | |
| lân |  Nederlân |
| provinsje |  Noard-Hollân |
| sifers en geografy | |
| haadplak | Wieringerwerf |
| grutste plak | Wieringerwerf |
| ynwennertal | 12.570 (1 april 2011)[1] |
| befolkingstichtens | 61 |
| oerflak | 309,37 |
| ● wêrfan lân | 206,67 |
| ● wêrfan wetter | 102,7 |
| tal doarpen | 4 |
| ferkearsieren | A7 N240 N242 N248 |
| skiednis | |
| oprjochte | 1941 |
| opheft | 2012 |
| opgien yn |  Hollâns Kroan |
| no part fan | Hollânsk Kroan |
| oar | |
| netnûmer | 0229 |
| postkoade | 1770-1775 |
| tiidsône | UTC +1 |
| simmertiid | UTC +2 |
De Wieringermar is in polder en eardere gemeente yn de kop fan de Nederlânske provinsje Noard-Hollân. As gemeente waard de Wieringermar yn 1941 oprjochte. De gemeente hie op 1 april 2011 12.570 ynwenners op in oerflak fan 309,37 km² (wêrfan 102,70 km² wetter). It eardere eilân Wieringen wie nea ûnderdiel fan 'e gemeente. Op 1 jannewaris 2012 fúzjearre de gemeente Wieringermar mei Anna Paulowna, Niedorp en Wieringen ta de nije gemeente Hollâns Kroan.
Skiednis
[bewurkje seksje | boarne bewurkje]De polder wie om 1000 hinne noch gewoan lân. It is net hielendal wis oft it by it goa Texla hearde, of dat Wiron in apart goa wie. Troch de stoarms fan ûnder oaren de 12e iuw wie it gebiet ûnderstrûpt en part fan de see wurden. De streamgeulen fan it Ulkedjip en Amsteldjip rûnen troch it gebiet. Sy waarden yn 1924 ôfsletten mei in dyk dy't it eilân Wieringen mei it fêstelân ferbûn. De oanlis fan de Wieringermarpolder waard yn 1927 mei úteinset , middels in elektrysk gemaal by Medemblik, de start fan de bou-oanlis wie febrewaris 1928. Besuden Den Oever op Wieringen is it gemaal Leemans boud, in dieselgemaal mei twa pompen mei in debyt fan 250 km³ de minút. Gemaal Lely hat trije pompen fan 400 kubike meter it stik. Op 10 febrewaris 1930 waarden de pompen yn gebrûk naam om 6 miljoen km³ wetter útdyks te krijen.
Neffens it oarspronklike plan soe de polder earst oanlein wurde at de Ofslútdyk klear wie, mar omdat Nederân grut ferlet fan lânbougrûn hie waard der mear faasje efter set. De dyk moast no yn de Sudersee oanlein wurde en moast ek swierder wurde. De polder wie feitlik gjin Iselmarpolder, mar in Suderseepolder (de saneamde Noardwestpolder). Op 21 augustus 1930 foel de polder drûch. Fan 1934 ôf waard it nije lân yn kultuer naam. De útjefte fan lân barde hjir foar it earst fia de oerheid. Dy woe swierrichheden sa as yn de earste jierren nei it drûchlizzen fan de Haarlimmermarpolder foarkomme (fral partikulier inysjatyf, mei earmoede en it útbrekken fan malaria). De kavelgrutte foar de nije boeren waard fêststeld toch de machtige Wieringermardireksje op 20 hektare en útjûn troch in pachtsysteem. Sa waard itselde jier ek lân fûn foar it ''Joadske Wurkdoarp'', dêr't de heit fan Judith Herzberg direkteur waard. De doarpen waarden lykas de buorkerijen planekonomysk oanlein. Earst waarden de lytse plakken boud, dy't net al te grut wurde mochten, omdat yn grutte doarpen de arbeiders te folle macht krije soene kinne en sa ta "broeinesten van terroristische activiteiten" wurde koene.
Sûnt 1 july 1941 is Wieringermar in selsstannige gemeente. Op 15 augustus 1941 waard G.G. Loggers boargemaster.
Ein Twadde Wrâldkriich waard de polder troch de Dútsers ûnder wetter set om alliearde loftlânings foar te kommen. Op 17 april 1945 waard de dyk op twa plakken opblaasd troch de Dútsers. De polder strûpte yn twa dagen ûnder. Alle gewaaks en hast alle bebouwing gie ferlern. Nei de kriich waarden de gatten tichtmakke en op 11 desimber 1945 wie de polder wer drûch.
Yn 1956 waard de kearn Kreileroard oanlein.
De gemeente fusearre op 1 jannewaris 2012 mei de gemeenten Anna Paulowna, Niedorp en Wieringen en foarmje de gemeente Hollâns Kroan.
Plakken yn de gemeente
[bewurkje seksje | boarne bewurkje]- Kreileroard
- Sleatdoarp
- Middenmar
- Wieringerwerf (gemeentehûs)
Ekonomy
[bewurkje seksje | boarne bewurkje]Wieringermar hat meast ikkerbou (ierdappelen, nôt, en sûkerbiten), túnbou, en feehâlderij. Fierder is dêr ek wat lichte yndustry.
Polityk
[bewurkje seksje | boarne bewurkje]
Gemeenteried
[bewurkje seksje | boarne bewurkje]De gemeenteried fan Wieringermar hat 15 sitten. Hjirûnder de gearstalling sûnt 1994:
| Riedssitten | |||||||||||||||
|---|---|---|---|---|---|---|---|---|---|---|---|---|---|---|---|
| Partij | 1994 | 1998 | 2002 | 2006 | 2010 | ||||||||||
| CDA | 5 | 5 | 4 | 4 | 3 | ||||||||||
| VVD | 3 | 3 | 4 | 2 | 3 | ||||||||||
| PvdA | 2 | 3 | 2 | 3 | 2 | ||||||||||
| Gemeente Belangen Wieringenmar | 3 | 3 | 2 | 2 | 2 | ||||||||||
| Progressyf Wieringenmar | 2 | 1 | 2 | 2 | 2 | ||||||||||
| KristenUny | - | - | 1 | 1 | 1 | ||||||||||
| Unôfhinklik Wieringenmar | - | - | - | 1 | 2 | ||||||||||
| Totaal | 15 | 15 | 15 | 15 | 15 | ||||||||||
Kolleezje fan B&W
[bewurkje seksje | boarne bewurkje]It leste kolleezje fan boargemaster en wethâlders fan Wieringermar bestiet út:
- Boargemaster: P.F. Leegwater
Keppeling om utens
[bewurkje seksje | boarne bewurkje]| Boarnen, noaten en/as referinsjes: |