Tsjerke fan Nijtsjerk (It Hegelân)
| Tsjerke fan Nijtsjerk | ||
| ||
.jpg)
| ||
| Lokaasje | ||
| provinsje |  Grinslân
| |
| gemeente |  It Hegelân
| |
| plak | Nijtsjerk | |
| adres | Tsjerkestrjitte 3 | |
| koördinaten | 53° 20' N 6° 19' E | |
| Tsjerklike gegevens | ||
| tsjerkegenoatskip | PKN | |
| patroanhillige | ûnbekend | |
| Arsjitektuer | ||
| boujier | 13e iuw | |
| monumintale status |  ryksmonumint
| |
| monumintnûmer | 35867 | |
| Webside | ||
| Side PKN Ulrum-Nijtsjerk-Fjouwerhûzen SAGT | ||
| Kaart | ||
  | ||
De Tsjerke fan Nijtsjerk is in oarspronklik 13e-iuwske tsjerke op in wierde yn 'e gemeente It Hegelân yn 'e provinsje Grinslân. De tsjerke is in ryksmonumint en eigendom fan 'e Stifting Alde Grinslânske Tsjerken.
Skiednis
[bewurkje seksje | boarne bewurkje]
De tsjerke fan Nijtsjerk hat gruttendiels 13e iuwske-muorren fan kleastermoppen. Yn 1629 fûn in grutte ferbouwing plak, werby de westlike muorre fan lytsere bakstien op 'e nij mitsele waard. De súdlike muorre waard ôfbrutsen en oant likernôch in meter ûnder de daklist wer mei de âlde kleastermoppen opboud. Dat barde nei't Piet Hein de Sulverfloat oermastere en Evert Lewe, dy't kollator fan de tsjerke en oandielhâlder fan de Westyndyske Kompanjy wie, de tsjerke opknappe liet en in dakruter joech mei in wynwizer mei de liuw fan it skaai Lewe. Ek waarden de lytsere romaanske finsters ferfongen troch gruttere rûnbôgefinsters. In gevelstien boppe de westlike tagong betinkt dy ferbouwing.
Ynterieur
[bewurkje seksje | boarne bewurkje]Yn 'e tsjerke stiet oan 'e eastlike muorre in 18e-iuwske preekstoel mei efterskot en klankboerd. De hearebank út 1680 is fersierd mei de wapens fan Von Inn- und Kniphausen en Lewe. Oer de flier fan it middenpaad lizze in tal âlde sarken, werfan de âldste út 1564 datearret. De liedklok is út 1762 en getten troch A. Petit. It mechanyske oerwurk is út likernôch 1900.
Oargel
[bewurkje seksje | boarne bewurkje]Yn 'e tsjerke stiet in ienmanualich oargel út 1883 fan 'e firma Van Oeckelen. It oargel besit sân registers op ien manuaal en hat in oanhongen pedaal. De hege tuorren binne mei elts in swarte rôffûgel fersierd, de middelste toer mei muzykynstruminten. Sûnt de bou is der neat mear oan it oargel feroare.
Keppeling om utens
[bewurkje seksje | boarne bewurkje]| Boarnen, noaten en/as referinsjes: | ||
|
