Tsjerke fan Aldeholtwâlde
| Tsjerke fan Aldeholtwâlde | ||
| ||
.jpg)
| ||
| De tsjerke yn 2023 | ||
| Lokaasje | ||
| provinsje |  Fryslân
| |
| gemeente |  Weststellingwerf
| |
| plak | Aldeholtwâlde | |
| adres | Tsjerkewei | |
| koördinaten | 52° 54' N 6° 00' E | |
| Tsjerklike gegevens | ||
| tsjerkegenoatskip | PKN | |
| Arsjitektuer | ||
| arsjitekt | T.D. Gaastra | |
| boujier | 1875 | |
| boustyl | Eklektisisme | |
| monumintale status | gemeentlik monumint | |
| Webside | ||
| PKN gemeente Ter Holten | ||
| Kaart | ||
  | ||
De Tsjerke fan Aldeholtwâlde is in protestantske tsjerke yn Aldeholtwâlde yn de gemeente Weststellingwerf. De PKN gemeente Ter Holten, dêr't ek de doarpen Ter Idzard en Aldeholtpea ûnder falle, is de eigner fan it gebou.
Skiednis
[bewurkje seksje | boarne bewurkje]Yn de midsiuwen hie it Aldeholtwâlde op in oar plak al in eigen tsjerke. Dy stie yn it doedestiidske doarpssintrum oan de Weardyk, foar de yn 1972 ôfbrutsen herberge De Ooievaar oer. In stoarm skansearre de tsjerke sa slim, dat er net mear opboud waard. Tsjerklik waard Aldeholtwâlde fan ôf dy tiid yndield by Ter Idzard.
De feanôfgraverij yn de 19e iuw soarge foar in grutter ynwennertal fan Aldeholtwâlde en dat makke ek de bou fan in nije tsjerke mooglik. It wurk waard oannomen troch F.D. Gaastra út Britswert foar in bedrach fan fl. 14.237,04, dy't in tsjerke boude dêr't de doe krekt foltôge Koanjumer tsjerke model foar stie. Foar de bou fan de toer waard it hout fan de ôfbrutsen klokkestoel op it begraafplak foar de herberch oer op 'e nij brûkt.
Yn 1898 is it ynterieur lytser makke om't de feanôfgraverij nei de ein rûn en minsken it doarp wer ferlieten. Dêrnjonken foldie by it preekjen de akoestiek fan de romte net. Oant 1904 makke de gemeente gebrûk fan in foarsjonger. In oargel naam dy funksje yn dat jier oer.
Oan it begjin fan de 21e iuw folge in restauraasje fan tsjerke en toer.
Oargel
[bewurkje seksje | boarne bewurkje]Yn de tsjerke stiet in oargel fan Johan Ferdinand Kruse út Ljouwert, in skoansoan fan Willem Hardorff. Yn de rin fan de tiid binne der gien wizigings west oan it oargel. Bakker & Timmenga hat yn 2001 it ienmanualige ynstrumint mei oanhongen pedaal restaurearre. By dy restauraasje is de elektryske wynfoarsjenning ferfongen.[1]
Keppeling om utens
[bewurkje seksje | boarne bewurkje]| Boarnen, noaten en/as referinsjes: | ||
|
