Tafeltennis op de Paralympyske Simmerspullen

Tafeltennis is ien fan de sporten dy’t op it programma fan de Paralympyske Simmerspullen stean. De sport is tagonklik foar sporters mei hast alle beheinings allinne fisueel beheinde sporters kinne net meidwaan oan it tafeltennis.

Regels

De regels foar it Paralympysk tafeltennis komme grutdiels oerien mei it gewoane tafeltennis. De ienige ôfwikende regel is dat by de opslach de bal earst oer de efterkant fan de tafel moat foardat de bal oer de sydkant giet.

Klasifikaasje

Tafeltennissers mei ferskillende beheinings kinne dielnimme. Om de sport sa earlik mooglik te halden wurde de tafeltennissers yn in klasse yndield. Fan de Spullen ôf yn Barselona fan 1992 binne der alve klassen. De klassen binne as folgjend yndield: De klassen 1 oant en mei 5 binne foar tafeltennissers yn in rôlstoel. De klassen 6 oant en mei 10 binne foar sporters dy’t stean kinne. Binnen in groep binne de sporters mei de minste beheinings yn de heechste klasse. Klasse 11 is foar sporters mei yntellektuele beheinings mar sy dogge hjoed de dei net mear mei oan de Spullen.

Skiednis

Tafeltennis stiet al fan de allerearste Paralympyske Spullen ôf yn 1960 op it programma. Oant 1976 wie it tafeltennis op de Spullen allinne tagonklik foar tafeltennissers yn in rôlstoel. Fan 1976 ôf mochten ek tafeltennissers mei andere beheinings meidwaan en waard it steand tafeltennisjen op de Paralympyske Spullen yntrodusearre. Sporters mei in harsenferlamming dogge mei fan 1980 ôf mei en tafeltennissers mei yntellektuele beheinings wiene allinne wolkom op de Spullen fan 2000 yn Sydney, Austraalje.

Sjoch ek

Tafeltennis op de Olympyske Simmerspullen

Keppelings om utens

(in) Tafeltennis op de side fan it Ynternasjonaal Paralympysk Komitee

Sport op de Paralympyske Simmerspullen
Hjoeddeiske sporten: Atletyk \| Bankdrukken \| Basketbal \| Blinefuotbal \| Boccia \| Bôgesjitten \| Follybal \| Goalball \| Hynstesport \| Hurdfytsen \| Judo \| Roeien \| Rugby \| Sjitsport \| Skermjen \| Swimmen \| Tafeltennis \| Tennis
Sporten út it ferline: CP-fuotbal \| Dartchery \| Gewichtheffen \| Hurdsilen \| Koersbal \| Snooker \| Wrakseljen
· ·

	Tafeltennis op de Paralympyske Simmerspullen
Rome 1960 \| Tokio 1964 \| Tel Aviv 1968 \| Heidelberch 1972 \| Toronto 1976 \| Arnhim 1980 \| New York en Stoke Mandeville 1984 \| Seoel 1988 \| Barcelona 1992 \| Atlanta 1996 \| Sydney 2000 \| Atene 2004 \|Peking 2008 \| Londen 2012 \| Rio de Janeiro 2016 \| Tokio 2020 \| Parys 2024 \| Los Angels 2028 \|
· ·

Ofbylden dy't by dit ûnderwerp hearre, binne te finen yn de kategory Table tennis at the Paralympics fan Wikimedia Commons.