Sint-Michaeltsjerke (Sinkavitsji)

Ut Wikipedy
Springe nei navigaasje Springe nei sykjen
Sint-Michaeltsjerke
Царква Святога Архангела Міхаіла, Сынкавічы, Беларус, 2013.jpg
lokaasje
lân Flag of Belarus.svg Wyt-Ruslân
oblast Flag of Hrodna Voblasts.svg Grodno
plak Sinkavitsji
bysûnderheden
type bouwurk Tsjerke
boujier Midden 16e iuw
boustyl Gotyk
monumintale status Histvalue sign export.svg Kultureel erfgoed fan Wyt-Ruslân
monumintnûmer 410Г000282

De Tsjerke fan Sint-Michael (Wyt-Russysk: Царква Святога Міхаіла) is in eastersk-otterdokse tsjerke oan de noardlike kant fan it doarp Sinkavitsji yn it distrikt Zelva yn de oblast Grodno, Wyt-Ruslân.

It is tegearre mei de Marije-Bertetsjerke yn Mûravanka in foarbyld fan wyt-russyske gotyk en ien fan de earste wartsjerken fan it eartiidske Gruthartochdom Litouwen.

Skiednis[bewurkje seksje | boarne bewurkje]

Neffens de oerlevering soe de tsjerke troch Vytautas boud wêze, gruthartoch fan Litouwen, om sa de útbraak fan syn neef Jogaila te betinken.

Ynterieur

Nei de Uny fan Brest waard de tsjerke roomsk-katolyk. Mei de ferdieling fan it Poalsk-Litouske Mienebest bleau de parochy bestean, mar nei de mislearre Novimberopstân fan 1830-1831 tsjin it Russyske Ryk waard de tsjerke yn in otterdokse tsjerke feroare.

De tsjerke waard yn de tiid fan de Twadde Poalske Republyk yn 1926 wer yn in katolike tsjerke feroare. It gebou waard yn de jierren 1988-1990 oan de otterdokse mienskip oerdroegen.

Arsjitektuer[bewurkje seksje | boarne bewurkje]

De tsjerke is in foarbyld fan wyt-russyske gotyk en it ynterieur wurdt ferdield troch trije skippen en fan pylders droegen. Lykas de tsjerke fan Mûravanka is it grûnplan hast fjouwerkant. De eastlike kant wurdt fan trije apsissen ôfsletten. De muorren binne 1,5 meter dik.

Op de fjouwer hoeken fan de tsjerke binne ferdigeningstuorren oanboud; de twa westlike tuorren binne achthoekich wylst de eastlike tuorren rûn binne.

De westlike gevel is fersierd mei dekorative nissen fan ferskillende djipte en ôfmjitting.

UNESCO[bewurkje seksje | boarne bewurkje]

De tsjerke is op 30 jannewaris 2004 yn de kulturele kategory op de Foarriedige List fan it Wrâlderfgoed fan UNESCO set.

Boarnen, noaten en referinsjes[boarne bewurkje]

Boarnen, noaten en/as referinsjes:

Dizze side is alhiel of foar in part in oersetting fan de Ingelsktalige Wikipedyside; sjoch foar de bewurkingsskiednis: en:Church of St. Michael, Synkavichy