Rudi Hemmes
| Rudi Hemmes | ||
| ||
| Rudi Hemmes (2010) | ||
| persoanlike bysûnderheden | ||
| echte namme | Rudi Willem Hemmes | |
| nasjonaliteit |  Nederlânsk
| |
| berne | 20 juny 1923 | |
| berteplak | Harderwyk | |
| stoarn | 13 novimber | |
| stjerplak | De Haach 2022 | |
| wurkpaad | ||
| berop/amt | Generaal-majoar fan de loftmacht | |
| reden bekendheid |
Ingelânfarder yn de Twadde Wrâldkriich | |
Rudi Willem Hemmes (Harderwyk, 20 juny 1923 - De Haach, 13 novimber 2022) wie in Nederlânsk generaal-majoar fan de Keninklike Loftmacht.
Libbensrin
[bewurkje seksje | boarne bewurkje]Hemmes woe nei de Keninklike Militêre Akademy (KMA) yn Breda, mar troch it útbrekken fan de Twadde Wrâldkriich wie dat net mooglik en keas er foar de stúdzje genêskunde yn Utert.
Kriichsjierren
[bewurkje seksje | boarne bewurkje]Hemmes waard Ingelânfarder. Hy gie ein 1943 mei syn jeugdfreon Bob Tusenius oer Parys, Toulouse en Nîmes nei de Pyreneeën. Yn Spanje waarden se oppakt en finzen set. Nei in moanne waarden se frijlitten en reizgen hja oer Lissabon nei Bristol. Yn Ingelân melden se har as tsjinstplichtigen by de Prinses Irene Brigade yn Wolverhampton. Op 8 augustus 1944 lâne er mei de 1.100 man sterke brigade op de strannen fan Arromanches yn Normandje.
Nei de kriich
[bewurkje seksje | boarne bewurkje]Yn de jierren 70 wie er kommandant fan de Loftmacht Kaderskoalle (KMSL) yn Schaarsbergen. Hemmes wie ek adjudant fan de minister fan Definsje en kommandant fan it Kommando Logistiek en Opliedingen fan de Keninklike Loftmacht west.[1] Hemmes wie foarsitter fan de Stichting Genootschap Engelandvaarders, de Stichting Samenwerkend Verzet 1940 -1945 en de Vereniging Oud Strijders Prinses Irene Brigade.
Rudi Hemmes ferstoar op 13 novimber 2022 yn 'e âldens fan 99 jier.[2]
| Boarnen, noaten en/as referinsjes: |
|