Rinke Tolman

Ut Wikipedy
Jump to navigation Jump to search
Rinke Tolman

Rinke Tolman (Eastersee, 25 maaie 1891 - Amersfoart, 12 maart 1983) wie in fjildbiolooch, natoerkenner, skriuwer fan natuerboeken, sjoernalist en dichter.

Tolman hat syn jonge jierren trochbrocht yn Wytgaard en learde foar ûnderwizer. Dat is er nea wurden, yn Utert gie er oan 'e slach yn 'e sjoernalistyk.

Hy hearde ta de Jongfryske dichters en waard beynfloede troch de Tachtigers. Hy hat hûnderten gedichten skreaun dy't meast ferskynden yn tydskriften (Kristussonnetten yn: Yn ús eigen taal, 1916). Ta in bondeling fan syn dichtwurk is it nea kommen. Tolman hat guon wurken fan skriuwers oerset yn it Frysk, sa makke er mei Douwe Kalma in oersetting fan de roman Alastor fan Percy Bysshe Shelley. Fan syn hân is ek it bondeltsje Folksforhalen (1929) fan Leo Tolstoj. Hy makke dêrneist ek sjongteksten. Nei 1925 ferskynde der gjin wurk mear fan him.

De gemeente Soest beneamde him ta eareboarger en rikt sûnt 1993 de trijejierlikse Rinke Tolman-poëzijpriis út.

Yn Soest stie earder oan de Smitswei de Rinke Tolmanskoalle. Op it plak fan de skoalle stiet tsjintwurdich in breed edukatyf sintrum. Der is ek in Rinke Tolmanpaad dat fan de Parkleane nei de Koloanjewei rint, oan de râne fan de Engh.

Bibliografy[bewurkje seksje | boarne bewurkje]

In kar:

  • Landschappen en seizoenen (4 dielen)
  • Kijk uit je ogen (6 dielen, mei W.M. Kruseman
  • Zo leer je vogels kennen. Diel 2
  • Zo leer je vogels kennen. Diel 3: Exotische volièrevogels
  • Een krans van groen
  • De kievit. Een monografie over onze nationale vogel.
  • Zo leer je vogels kennen. deel 4: Exotische volièrevogels
  • Door hei en polder (mei J.I. van Schaick)
  • Door veld en beemd (mei J.I. van Schaick)
  • Dr. Jac. P. Thijsse, een groot Nederlander

Literatuer[bewurkje seksje | boarne bewurkje]

  • (ned) Brongers, dr. J. A. (1998) - Historische encyclopedie van Amersfoort. Amersfoort : Uitg. Filatop. Online te rieplachtsjen op de webside fan Archief Eemland - hjir it lemma "Tolman".
  • (ned) de Groot, G.A.H. & P.H. Veen (1991) - Rinke Tolman, de wandelaar in weer en wind. Soest : Historische Vereniging Soest / Stichting Oud Soest. 64 siden.
  • (ned) Strijbos, Jan P. (1976) - Vogelvrij : mensen en tijden die ik gekend heb. Haarlim/Antwerpen : Schuyt & Co. ISBN 90 6097 067 5. 154 siden.

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

[1] Jan Tjittes Piebenga Koarte skiednis fan de Fryske skriftekennisse De Jongfryske tiid]