Reagers

	Reagers
	ielreager
	Taksonomy
ryk:	dieren (Animalia)
stamme:	rêchstringdieren (Chordata)
klasse:	fûgels (Aves)
boppeskift:	nije fûgels (Neoaves)
skift:	pilekaaneftigen (Pelecaniformes)
famylje:	reagerfûgels (Ardeidae)
skaai	reagers (Ardea)
	Linnaeus, 1758

Reagers (Ardea) foarmje in fûgel skaai yn 'e famylje reagerfûgels (Ardeidae) út it skift pilekaaneftigen (Pelecaniformes).

Ardea is Latyn foar reager. Oer it generaal binne it grutte fûgels mei lange poaten en in lange nekke. Se binne faak in stik grutter as de soarten út it skaai Egretta. Typysk foar Ardea is dat se mei in ynlutsen nekke fleane. Dat ûnderskiedt de soarte fan earrebarren of kraanfûgels, dy't yn 'e flecht in rjochte nekke ha.

De snaffels binne krêftich ûntwikkele en dolkfoarmich, dy't goed oanpast binne om fisken, amfybiën of lytse sûchdieren te fangen. De nekke hat in oanpaste wringe, dy't it de fûgel mooglik makket om hiel rap út te heljen as se in proai sjogge. De fûgels komme meast yn en by ûndjip wetter foar, sawol sâlt as swiet, dêr't se ûnferweechlik seane te wachtsjen as in proai foarby komt.

It nêst wurdt faak heech yn beammen fan tûken boud. In soad soarten briede yn koloanjes.

Soarten

It skaai telt 16 soarten.

Ofbyld	Fryske namme	Wittenskiplike namme	Fersprieding	Status
	ielreager	Ardea cinerea	Jeropa, Afrika, Aazje^[1]	net bedrige
	grutte blauwe reager	Ardea herodias	Noard-Amearika, Midden-Amearika^[2]	net bedrige
	sokoireager	Ardea cocoi	Súd-Amearika^[3]	net bedrige
	wythalsreager	Ardea pacifica	Austraalje, Nij-Guinea, eastlik Yndoneezje^[4]	net bedrige
\|	swartkopreager	Ardea melanocephala	Afrika besuden de Sahara^[5]	net bedrige
	Madagaskarreager	Ardea humbloti	Madagaskar, Komoaren^[6]	bedrige
	wytbúkreager	Ardea insignis	Himalaya (Bûtan, Yndia, Birma)^[7]	krityk
	roetreager	Ardea sumatrana	Súd-Aazje, Súdeast-Aazje, Nij-Guineä, noardlik Austraalje^[8]	net bedrige
	reuzereager	Ardea goliath	Afrika, Midden-Easten^[9]	net bedrige
	reade reager	Ardea purpurea	Afrika, Jeropa, Aazje^[10]	net bedrige
	grutte wite reager	Ardea alba	Yn tropyske en tuskenbeide gebieten oer de hiele wrâld^[11]	net bedrige
	middelste wite reager	Ardea intermedia	Súdeast-Aazje, Austraalje^[12]	net bedrige
	wite plúmreager	Ardea plumifera	Austraalje, Nij-Guineä, eastlik Yndoneezje^[13]	net bedrige
	gielsnaffelreager	Ardea brachyrhyncha	Afrika^[14]	net bedrige
	feereager	Ardea ibis	Afrika, Jeropa, Súd-Amearika, Noard-Amearika, West-Aazje^[15]	net bedrige
	Easterske feereager	Ardea coromandus	Súd-Aazje, East-Aazje, Austraalje^[16]	net bedrige

Boarnen, noaten en referinsjes

Boarnen, noaten en/as referinsjes:

Wikimedia Commons

Ofbylden dy't by dit ûnderwerp hearre, binne te finen yn de kategory Ardea fan Wikimedia Commons.

[1] Ardea cinerea op BirdLife International

[2] Ardea herodias op BirdLife International

[3] Ardea cocoi op BirdLife International

[4] Ardea pacifica op BirdLife International

[5] Ardea pupureamelanocephala op BirdLife International

[6] Ardea humbloti op BirdLife International

[7] Ardea isignis op BirdLife International

[8] Ardea sumatrana op BirdLife International

[9] Ardea goliath op BirdLife International]

[10] Ardea pupurea op BirdLife International

[11] Ardea alba op BirdLife International

[12] Ardea intermedia op BirdLife International

[13] Ardea plumifera op BirdLife International

[14] Ardea brachyrhyncha op BirdLife International

[15] Ardea ibis op Birds of the World

[16] Ardea coromandus op Birds of the World

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]