Prevostklapperrôt

Ut Wikipedy
Jump to navigation Jump to search
Prevostklapperrôt
Schoenhoernchen Callosciurus prevosti.jpg
taksonomy
ryk: dieren (Animalia)
stamme: rêchstringdieren (Chordata)
klasse: sûchdieren (Mammalia)
skift: kjifdieren (Rodentia)
famylje: iikhoarntsjes (Sciuridae)
skaai: pronkiikhoarntsjes (Callosciurus)
soarte
Callosciurus prevostii
Desmarest, 1822
IUCN-status: net bedrige

De prevostklapperrôt, Prevosts klapperrôt, it prevostiikhoarntsje of Prevosts iikhoarntsje (Latynske namme: Callosciurus prevostii, soms misstavere as C. prevosti) is in sûchdier út it skift fan 'e kjifdieren (Rodentia), de famylje fan 'e iikhoarntsjes (Sciuridae) en it skaai fan 'e pronkiikhoarntsjes (Callosciurus), dat foarkomt yn Súdeast-Aazje.

De fersprieding fan 'e prevostklapperrôt.

Fersprieding[bewurkje seksje | boarne bewurkje]

De prevostklapperrôt is lânseigen yn it westlike diel fan 'e Yndyske Arsjipel, dêr't er foarkomt yn Yndoneezje, Maleizje, Brûnei, Singapoer en Tailân. It ferspriedingsgebiet fan dizze soarte beslacht de eilannen Sumatra, Billiton en Borneo hielendal, en teffens it skiereilân Malakka, ynkl. yn it uterste suden fan Tailân. Fierders bestiet der in yntrodusearre populaasje op it Minahasa-skiereilân fan noardlik Selebes.

Uterlike skaaimerken[bewurkje seksje | boarne bewurkje]

Prevostklapperrotten hawwe in swarte rêch, bealch, kop, sturt en efterpoaten, in grize kiel en skouders, readbrune oant oranje foarpoaten en wite fangen. Dit kleurpatroan is lykwols beheind ta de ûndersoarte Callosciurus prevostii prevostii, dy't lânseigen is yn Malakka; guon oare ûndersoarten binne lang net sa opfallend kleure. Callosciurus prevostii pluto, fan noardlik Borneo, bygelyks, is swart op 'e rêch en readoranje op 'e bealch, sûnder wite dielen op 'e fangen.

Fretten[bewurkje seksje | boarne bewurkje]

De prevostklapperrôt fret fruchten, nuten, sied, blommen, blomknoppen, ynsekten en fûgelaaien. Hy hat it foar de moade en naai mei fruchten út nei in restich plakje om se op te iten, en draacht sa by oan 'e fersprieding fan fruchtbeammen.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.