Piet Oberman

Ut Wikipedy
Jump to navigation Jump to search
Piet Oberman foar de Blokhûspoarte

Pieter Gerke Oberman (Piet) (Dantumawâld, 31 july 1908 - Dokkum, 14 novimber 1972) wie in houthanneler te Dokkum.

Oberman hat in wichtige rol spile yn it Frysk ferset tsjin de Dútske besetter yn de Twadde Wrâldkriich. Ein july 1944 folge er Krijn van der Helm op as haad fan de KP Fryslân. Syn fersetsnamme wie Piet Kramer.

Oberman joech ek lieding oan de oerfal op 8 desimber 1944 op it Hûs fan Bewar yn Ljouwert (Blokhûspoarte). Der gie in feilleas troch Piet Oberman útwurke plan oan foarôf om te foarkommen dat de tichtby legere Dútsers wat yn 'e gaten krigen. Op de jûn fan 8 desimber waarden 51 fersetsminsken troch harren freonen fan de KP út de sel befrijd wêrby't net ien skot lost is. Dy aksje wurdt sjoen as ien fan de grutste fersetsdieden yn de Twadde Wrâldoarloch. De oerfal is yn 1962 ûnder de titel 'De Oerfal' ferfilme troch Lou de Jong.