Onno Reint van Andringa de Kempenaer

Ut Wikipedy
Gean nei: navigaasje, sykje

Jonkhear Onno Reint van Andringa de Kempenaer (1801 - 1868) wie deputearre fan Fryslân.

Hy wenne yn it midden fan de 19e iuw op it troch him yn 1845 fan J.B. Wouters oankochte bûten 'Jagtlust' ûnder Aldskoat. Dat stie sawat foar it eardere molkfabryk en is yn 1875 ôfbrutsen. Hy wie grytman fan Lemsterlân en Raarderhim en steatelid fan Fryslân.

De Kempenaer wie lânboukundige en ûntginner fan namme. Sa liet er de heide tusken de Rotstergaastwei en de Rottumerwei ûntginne en liet dêrta ek de Kempenaerwyk grave.

Hy stifte in modelbuorkerij (mei Deenske molkkelder) dy't er sels behearde. Neffens oerlevering moat er in soad ynfloed útoefene hawwe op de oanlis fan it spoar nei Ljouwert.

Nei him is yn 1953 de Kempenaerssingel op It Hearrenfean neamd. Dy rint fan de Koornbeurswei yn súdeastlike rjochting oant de Luitzen Wagenaarstrjitte, lâns de eastkant fan de Kempenaerswyk. Ek in legere skoalle krige syn namme.

Sjoch ek[bewurkje seksje | boarne bewurkje]