Michelle Lukes
| Michelle Lukes | ||
 akteur
| ||
| ||
| persoanlike bysûnderheden | ||
| echte namme | Michelle Lukes | |
| nasjonaliteit |  Britsk
| |
| berne | 24 febrewaris 1984 | |
| berteplak | Londen (Ingelân) | |
| etnisiteit |  Ingelsk
| |
| jierren aktyf | 2007 – no | |
| offisjele webside | ||
| gjint | ||
Michelle Lukes (Londen, 24 febrewaris 1984) is in Ingelsk tillefyzje-, toaniel- en stimaktrise, dy't it bekendst wurden is mei har fêste rol as Julia Richmond yn 'e aksjesearje Strike Back.
Karriêre[bewurkje seksje | boarne bewurkje]
Lukes waard yn 1984 berne yn Londen, en wie ferskate jierren yn it Londenske West End wurksum foar't se in aktearoplieding yn 'e Bristol Old Vic folge. Se helle yn 2007 har diploma en wûn dêrby de Newton Blick Award foar alsidich talint. Neitiid hie Lukes withoefolle toanielrollen foar selskippen as de Royal Shakespeare Company, it Royal National Theatre en Salisbury Playhouse.
Yn 2008 hie se har earste tillefyzjerol, yn in ôflevering fan 'e Britske sikehûsrige Casualty. Fan 2009 oant 2011 spile Lukes de rol fan 'e fjurrige Argentynske Lisa Torres, yn 'e dramasearje Doctors. Bûten har heitelân waard se lykwols pas bekend mei har rol fan 'e tige kapabele serzjant Julia Richmond, yn 'e aksjesearje Strike Back, út 2011-2013.
Njonken har aktearwurk is Lukes in talintfol dûnseresse, sjongster en pianiste.
Keppelings om utens[bewurkje seksje | boarne bewurkje]
| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |
