Michelle Lukes

Michelle Lukes (Londen, 24 febrewaris 1984) is in Ingelsk aktrise dy't yn toanielstikken, tillefyzjeprogramma's en films spile hat. Teffens hat se wurke as stimaktrise. Lukes is it bekendst wurden is mei har fêste rol as sersjant Julia Richmond yn 'e aksjesearje Strike Back.

Karriêre

Lukes waard yn 1984 berne yn Londen, en wie ferskate jierren yn it Londenske West End wurksum foar't se in oplieding yn aktearjen folge oan 'e prestizjeuze Bristol Old Vic Theatre School. Se helle yn 2007 har diploma en wûn dêrby de Newton Blick Award foar alsidich talint. Neitiid hie Lukes withoefolle toanielrollen foar selskippen as de Royal Shakespeare Company, it Royal National Theatre en Salisbury Playhouse. Dêrby hie se rollen yn musicals as Chicago, Cats en The Lion King.

Yn 2008 hie Lukes har earste rol op 'e tillefyzje, yn in ôflevering fan 'e Britske sikehûssearje Casualty. Har debút as filmaktrise wie al earder, yn 2004, mei in lyts roltsje as ien fan 'e hofdames fan Roksane yn 'e histoaryske biografyske film Alexander, oer Aleksander de Grutte. Fan 2009 oant 2011 spile Lukes de rol fan 'e fjurrige Argentynske Lisa Torres yn 'e dramasearje Doctors. Bûten har heitelân waard se lykwols pas bekend mei har rol fan 'e tige kapabele sersjant Julia Richmond yn 'e aksjesearje Strike Back, út 2011-2015.

Njonken har aktearwurk is Lukes ek in talintfol dûnseresse, sjongster en pianiste.

jier	titel	rol of funksje	opmerkings
Filmografy as aktrise
films
2004	Alexander	hofdame fan Roksane
2010	Nation	Ensemble
2014	Francis McGee is not for Sale	Jennifer Freeman	koarte film
2016	A New York Christmas	Kate Ashfield
2017	The Lost Legion	Urbina Prima
2017	Nowhere Band	Sheila	koarte film
2017	Fake Empire	Sadie-Lou Hamilton
2017	Deserted	Carmen	koarte film
2018	Go Back to China	direktrise moadebedriuw
2019	Samir	Mercedes
tillefyzje
2006	Uncle Max	Eva	gastrol; 1 ôfl.
2008	Casualty	Polly Denver	gastrol; 1 ôfl. (s22.e30)
2009–2011	Doctors	Lisa Torres	fêste rol; 29 ôfl.
2011	Strike Back: Project Dawn	sersjant Julia Richmond	fêste rol; 10 ôfl.
2012	Strike Back: Vengeance	sersjant Julia Richmond	fêste rol; 10 ôfl.
2013	Strike Back: Shadow Warfare	sersjant Julia Richmond	fêste rol; 10 ôfl.
2015	Strike Back: Legacy	sersjant Julia Richmond	weromkearende rol; 4 ôfl.
2015	The Fall of Reach	Kelly (folwoeksen)	weromkearende rol; 3 ôfl.
2018	Entanglement	Evie	pilotôflevering
2018	The World Untold	ferslachjouster/nijslêzeresse	pilotôflevering
2020	All the Way to the Top	Edie Lawson	weromkearende rol; 3 ôfl.
fideospultsjes
2015	Halo 5: Guardians	Spartan Kelly-087	as stimaktrise
2016	Masquerada: Songs and Shadows	Tiziana de Felici	as stimaktrise
2017	Fire Escape	Jackie Amato	as stimaktrise
2021	Resident Evil Village	mem Miranda	as stimaktrise

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.