Liski
| Liski | |
|---|---|
.jpg) De yn 2003-2013yn Liski boude katedraal fan de Vladimir-ikoan fan de Mem Gods
| |
| Flagge | Wapen |
.png)
|
|
| Polityk | |
| Lân |  Ruslân
|
| Oblast |  Voronezj
|
| Sifers | |
| Ynwennertal | 53.897 (2018) |
| Oerflak | 65 km² |
| Befolkingstichtens | 829,18 / km² |
| Stêdekloft | |
| Hichte | 110 m (sintrum) |
| Oar | |
| Stifting | 1576 Foarhinne Novaja Pokrovka |
| Tiidsône | (UTC+3) |
Liski (Russysk: Лиски) is in stêd yn Ruslân. It is de haadstêd fan it rajon Liski yn it oblast Voronezj.
Geografy[bewurkje seksje | boarne bewurkje]
De stêd leit oan de linker kant fan de rivier de Don, 80 kilometer súdeastlik fan Voronezj en 547 kilometer súdeastlik fan de Russyske haadstêd Moskou.
De tichtstbylizzende stêden binne Ostrogozjsk (westlik), Bobrov (eastlik) en Novovoronesj (noardwestlik).
Sa'n tsien kilometer westlik fan Liski leit it natoergebiet Divnogorje mei it Marije-Himelfeartkleaster. It natoergebiet stiet bekend om de krytrotsen mei harren karakteristike eroazjefoarmen.
It klimaat yn Liski is tuskenbeiden kontinentaal. De trochsnit delslach alle jierren bedraacht 430 oant 560 mm.
Skiednis[bewurkje seksje | boarne bewurkje]
Liski ûntstie yn 1571 as in wachtpost tsjin mooglike oanfallen fan Krim-Tataren op it tsaardom Ruslân. Yn it begjin wie it bekend as Novaja Pokrovka (Новая Покровка); de lettere namme Liski ferwiist nei it rivierke de Liska.
Mei de bou fan in stasjon oan it û.o. nei Voronezj en Rostov oan de Don rinnende spoar fan it Súdeasttrajekt krige it plak wat mear ekonomyske betsjutting. Yn 1928 waard it nije rajon Liski foarme, dêr't Liski it bestjoerlike sintrum fan is. Liski krige yn 1937 stedsrjochten.
Sawol yn de Russyske Boargerkriich as ek yn de Twadde Wrâldkriich waard der fochten by Liski. Yn de Twadde Wrâldkriich lei yn july 1942 oan de oare kant fan de Don by Liski in ienheid fan de Wehrmacht stasjonearre. Nei de kriich krige Liski yndustry en spile de stêd in jimmeroan gruttere rol as agrarsyk sintrum.
Liski hiet yn de Sovjet-tiid fan 1928 oant 1943 Liski Svoboda (Свобода, letterlik "frijheid") en tusken 1965 en 1991 Georgiû-Dezj (Георгиу-Деж; nei de Roemeenske politikus Gheorghe Gheorghiu-Dej).
Befolkingsûntwikkeling[bewurkje seksje | boarne bewurkje]
| Demografyske ûntwikkeling fan Kaljazin fan 1897 oant 2018 | ||||||||||||
| Jier | 1939 | 1959 | 1970 | 1979 | 1989 | 2002 | 2010 | 2018 | ||||
| befolking | 25.490 | 37.638 | 48.682 | 52.375 | 54.039 | 55.893 | 55.864 | 53.897 | ||||
Bekende persoanen[bewurkje seksje | boarne bewurkje]
- Ivan Anikejev (1933–1992), Sovjet-Russyske romtefarder
| Boarnen, noaten en/as referinsjes: | ||
|
Dizze side is alhiel of foar in part in oersetting fan de Dútsktalige Wikipedyside; sjoch foar de bewurkingsskiednis: de:Liski
|
