Leonide (Anna Paulowna)

Leonide
mûne / mole
lokaasje
provinsje	Noard-Hollân
gemeente	Hollâns Kroan
plak	Anna Paulowna
adres	Kneeskade 1C
koördinaten	52°51' N 4°50' E
bysûnderheden
type mûne	stellingmûne
flecht	20 m
boujier	2002
Kaart

Leonide is in mûne yn Anna Paulowna yn 'e Noard-Hollânske gemeente Hollâns Kroan. De mûne stiet oan 'e Kneeskade súdeast fan it doarp oan it Hege Alde Fear en waard yn 2002 mei âlde ûnderdielen fan oare mûnen as wente boud.

It achtkant is ôfkomstich fan 'e eardere poldermûne 'De Zeemeeuw' út it Grinslânske Uthuzen. Dy mûne wie dêr yn 1892 foar it bemeallen fan 'e Lauwerpolder boud en sûnt 1935 ûnttakele, wylst it achtkant pas yn 1988 ferwidere en dêrnei opslein waard. De boppe-as is fan in yn 1960 ôfbrutsen wipmûne út Hazerswoude-Rijndijk. Ynearsten soene dy ûnderdielen brûkt wurde om de yn 1955 ôfbaarnde stellingmûne 'Windlust' yn Riich by Kleasterbuorren yn Grinslân te werbouwen, dêr't in mûnestifting ein jierren 1980 krewearre foar it oprjochtsjen fan in mûnemuseum mei ferskillende mûnetypen. Dy plannen gyngen net troch en de yn Grinslân bewarre ûnderdielen binne doe ferkocht oan mûnemakker Hiemstra yn Tsjummearum, dy't se wer trochferkocht foar de bou fan 'e Leonide.

Alhoewol't de lânskiplike wearde fan 'e mûne tige grut is, hat de mûne fierder gjin funksje. De mûne kin draaie, mar mei útsûndering fan it boppetsjil is der fierder gjin geande wurk oanwêzich.

Keppeling om utens

• Feriening De Hollânske Mûne.

Boarnen, noaten en referinsjes

Boarnen, noaten en/as referinsjes:

Mûnedatabase. Mûnedatabase. Commons Wikimedia Commons  Ofbylden dy't by dit ûnderwerp hearre, binne te finen yn de kategory Leonide, Anna Paulowna fan Wikimedia Commons.