Kader Abdolah

Ut Wikipedy
Jump to navigation Jump to search
Kader Abdolah
Livro preto.svg skriuwer
Kader Abdolah (oktober 2008)
Kader Abdolah (oktober 2008)
persoanlike bysûnderheden
echte namme Hossein Sadjadi Ghaemmaghami Farahani
nasjonaliteit Flag of Iran.svg Iraansk
flagge fan Nederlân Nederlânsk
berne 12 desimber 1954
etnisiteit Persysk
wurk
taal Nederlânsk, Perzysk
sjenre Roman, koart ferhaal, autobiografy, kollumn
bekendste
  wurk(en)
Het Huis van de Moskee
útjouwer De Geus, Prometheus
prizen sjoch artikel
jierren aktyf 1980 – no
offisjele webside
http://www.kaderabdolah.nl/

Kader Abdolah (Perzysk: قادر عبدالله) is de skûlnamme fan Hossein Sadjadi Ghaemmaghami Farahani (Perzysk: حسین سجادی قائم‌مقامی فراهانی) (Arak, 12 desimber 1954), in Iraansk-Nederlânsk skriuwer. Hy hat him yn 1988 yn Nederlân fêstige. Het Huis van de Moskee is Abdolah syn bekendste en bêst ferkochte boek, en is útroppen ta de op ien nei bêste Nederlânske roman ea.

Libben en wurk[bewurkje seksje | boarne bewurkje]

Abdolah waard berne yn Arak. Fan syn tolfde ôf ferdjippe er him yn de westerske literatuer, om't er skriuwer hope te wurden lykas syn âlde pake syn heit Qhaem Megham Ferahni. Sadwaande krige er niget oan de westerske manier fan libjen dat noch sterker waard troch it stikem harkjen nei westerske radiostasjons en nei fersetsstjoerders.

Hy studearre natuerkunde oan de universiteit fan Teheran. Yn dy tiid sluet er him ek oan by in loftse partij dy't him fersette tsjin it bewâld fan de sjah en letter tsjin dat fan de ayatollahs. Abdolah skreau foar in yllegaal blêd en publisearre twa temûk ferskynde ferhalebondels ûnder de namme Kader Abdolah, in skûlnamme gearstald út de nammen fan twa eksekútearre freonen: Kader en Abdolah.

Nei syn oplieding gie er oan it wurk as direkteur fan in emballaazjefabryk, en bleau er ek polityk warber. Yn 1985 moast er Iran ûntflechtsje. Dêrta útnûge troch de Feriene Naasjes kaam er as polityk flechteling nei Nederlân. Hy bedarre yn 1988 yn in asylsikerssintrum yn Apeldoorn en krige neifolgjend in hûs yn Swol tawiisd. Dêr gie Abdolah oan 'e gong yn in natuerhistoarysk museum en yn in konservefabryk. Yn 2003 ferhuze er nei Delft. It Nederlânsk learde er ûnder oaren út berneboekjes fan Annie M.G. Schmidt en fan Nederlânsktalige poëzij. Yn 1993 koe er al debutearje mei de ferhalebondel De adelaars, der't er fuortendaliks de debutantepriis Het Gouden Ezelsoor foar krige.

Yn 2006 waard Abdolah gastskriuwer oan de universiteit Leien. Yn dat ramt jout er wurkkolleezjes en lêzingen.

Kader Abdolah hat in wyklikse kollumn yn de Volkskrant ûnder it pseudonym Mirza. Mirza is yn it Perzysk 'kronykskriuwer' én it is tagelyk de namme fan syn ferstoarne heit. Syn wurk giet oer it libjen yn en tusken twa kultueren en oer it libjen yn de diaspora.

Abdolah skreau it boekewikepresint fan 2011 mei it tema 'curriculum vitae', in novelle mei de titel '.

Utjouwerij De Geus wie jierrenlang de útjouwer fan it wurk fan Kader Abdolah, mar sûnt 2014 wurde syn boeken útjûn troch útjouwerij Prometheus.

Kader Abdolah en syn dochter Bahar Abdolah

Bibliografy[bewurkje seksje | boarne bewurkje]

  • 1993 - De adelaars (ferhalen)
  • 1995 - De meisjes en de partizanen (ferhalen)
  • 1997 - De reis van de lege flessen (roman)
  • 1998 - Mirza (kollumns)
  • 2000 - Spijkerschrift (autobiografy)
  • 2001 - De koffer (Oerisels boekewikepresint)
  • 2001 - Een tuin in zee (kollumns)
  • 2002 - Kélilé en Demné (Perzyske ferhalen opnij ferteld)
  • 2002 - Sophia's droë vrugte (roman)
  • 2002 - De koning
  • 2003 - Portretten en een oude droom (roman)
  • 2003 - Karavaan (columns, 2003)
  • 2005 - Het huis van de moskee (roman)
  • 2008 - Een gouden handdruk voor Du Perron
  • 2008 - De Koran en De boodschapper (resp. 'in oersetting' en 'in fertelling')
  • 2009 - Dit mooie land (kollumns)
  • 2011 - De Koning (roman)
  • 2011 - De kraai (novelle, boekewikepresint)
  • 2012 - Zeesla en de lepels van Alice (ferhalen)
  • 2014 - Papegaai vloog over de IJssel (roman)
  • 2016 - Salam Europa (roman)

Prizen en nominaasjes[bewurkje seksje | boarne bewurkje]

Literatuer[bewurkje seksje | boarne bewurkje]

  • Michiel van Kempen, 23 desimber 1978: Edgar Cairo’s earste kollumn foar de Volkskrant; 23 jannewaris 1996: Kader Abdolahs earste kollumns foar de Volkskrant; De Nederlandse taal als onderdrukker en bevrijder, yn: Kunsten in beweging 1980-2000; Cultuur en migratie in Nederland, redaksje Rosemarie Buikema en Maaike Meijer, 2004, sd. 19–35, Sdu - De Haach

Boarnen, noaten en referinsjes[boarne bewurkje]

Boarnen, noaten en/as referinsjes:
  1. parseberjocht Ryksuniversiteit Grins.
Wikimedia Commons Ofbylden dy't by dit ûnderwerp hearre, binne te finen yn de kategory Kader Abdolah fan Wikimedia Commons.