Jerre Hakse

	Jerre Hakse
	keunstner
	persoanlike bysûnderheden
echte namme	Jerre Hakse
nasjonaliteit	Nederlânsk
berne	15 april 1937
berteplak	Ljouwert
stoarn	26 maart 2024
stjerplak	Amsterdam
etnisiteit	Frysk
	wurkpaad
wurksum as	Byldzjend keunstner
streaming	Ekspresjonisme

Jerre Hakse (Ljouwert, 15 april 1937 – Amsterdam, 26 maart 2024) wie in byldzjend keunstner út Ljouwert. Hy hat in eksposysjeromte yn 'De Prins van Waldeck' yn de Grutte Tsjerkestrjitte.

Jerre Hakse wie autodidakt en makke doeken, plastiken en gouaches wêryn 't hy taspilings makke op wat er sjoen of ûnderfûn hat, mar dy't foar de taskôger in soad te rieden oerlitte. Hy waard beynfloede troch it wurkjen sels en syn fisuele waarnimmings dy't er faak abstrahearre. Dat abstrahearjen troch eksperimintearjen nei syn eigen byldtaal wie foar him in sykjen.

Yn de iepenbiere romte steane wurken fan him oan de Uniawei yn Stiens (1975), oan skoallemienskip Comenius yn Ljouwert (1974) en in skulptuer by Schatzenburg yn Menaam (1976).

Eksposysjes wiene yn û.o. galery De Roos van Tudor, (Frjentsjer), It Mondriaanhûs (Winterswyk) en Smelik & Stokking (De Haach). Wurk fan Hakse sit ûnder oare yn de kolleksjes fan it Ryk, provinsje Fryslân, Keramykmuseum It Princessehof, de Frigem, abbekatekantoaren en makelders.