Herfoarme tsjerke (Langwar)

Herfoarme tsjerke (Langwar)
Lokaasje
plak	Langwar
adres	Oasingaleane 13
koördinaten	52° 57' N 5° 43' E
Tsjerklike gegevens
tsjerkegenoatskip	PKN (Herf. gem.)
Arsjitektuer
boujier	1777
monumintale status	ryksmonumint
monumintnûmer	13238
Webside
www.kerklangweer.nl
Kaart

De herfoarme tsjerke fan Langwar stiet oan de Oasingaleane yn Langwar, gemeente De Fryske Marren. De tsjerke wurdt brûkt troch de Herfoarme PKN-gemeente fan Langwar en omkriten.

Skiednis

It earste tsjerkegebou út de 13e iuw waard yn 1517 troch brân ferwoaste en wie oan Sint-Pankratius wijd.

De hjoeddeiske sealtsjerke út 1777 mei in trijesidich koer en koerbôgefinsters waard boud as ferfanging fan in tsjerke mei in sealtektoer út 1683.

Ynterieur

It ynterieur wurdt dutsen troch in houten tonferwulft. De preekstoel, makke troch Benedictus Jans, it doopstek en de hearebanken komme út 1684. Ien hearebank is fan grytman Frans Julius Johan fan Eysinga (1752-1828). Der is in doopbekken út 1923 en in doopfont út 1954.

Yn 'e toer fan trije liddingen mei hoekepilasters en in ynsnuorre achtsidige spits hingje twa klokken, wêrfan ien út 1683 fan Petrus Overney. De wynwizer hat de foarm fan in swan. Boppe de yngong sit in snijraam yn Loadewyk XVI-styl mei dûbele hoarn fan oerfloed.

Yn 1923 is de tsjerke restaurearre ûnder lieding fan arsjitekt G.J. Veenstra. De tsjerke is in ryksmonumint. De neistlizzende pastorije út 1910 is in ûntwerp fan W.C. de Groot.

Oargel

Frans Julius Johan fan Eysinga skonk de yn 1784 troch Lubbartus Bekenkamp makke oargelkas. It oargel út 1874 is makke troch Lambertus van Dam en yn 1967 restaurearre troch Bakker & Timmenga.

Keppeling om utens

• Disposysje oargel

• 
  Ynterieur mei oargel
• 
  Doopfont

Sjoch ek

• Tsjerken yn Fryslân

Boarnen, noaten en referinsjes

Boarnen, noaten en/as referinsjes:

Stenvert, Ronald [et.al.] (2000) Fryslân. Monumenten in Nederland, diel 6. Zeist: Rykstsjinst foar de Monumintesoarch / Swol: Waanders. ISBN 90 400 9476 4 Stichting Alde Fryske Tsjerken Langwar, tsjerkebeskriuwing Commons Wikimedia Commons  Ofbylden dy't by dit ûnderwerp hearre, binne te finen yn de kategory Tsjerke fan Langwar fan Wikimedia Commons.