Harke Bremer

Ut Wikipedy
Jump to navigation Jump to search

Harke Bremer (Nes, 30 septimber 1955) is in Frysk skriuwer en oersetter.

Biografy[bewurkje seksje | boarne bewurkje]

Bremer is hikke en tein yn Nes (D). Hy studearre oan de Ryksuniversiteit Grins klassike talen en is no learaar Gryksk, Latyn en KCV oan it Gymnasium Celeanum yn Swol. Foar syn fakgebiet is er (mei)skriuwer fan ferskate learboeken, wêrûnder it eineksamenboek Latyn 2007/2008.

Fierders is er tige warber as oersetter. Sûnt ein jierren santich set hy tegearre mei Jarich Hoekstra in soad oer. De twa hawwe ferhalen oerset fan Kapitein Rob en Asteriks. Ek hawwe se de Bommel-ferhalen ferfryske, dêrfoar krigen se op 17 septimber 1996 de Obe Postmapriis, dat is de literatuerpriis foar Fryske oersetters.

Ek skriuwt er tegearre mei Hoekstra harren eigen proaza. Harren debút dêryn wie yn 1995 mei it boek Hâld faasje!. It is in kolderyk ferhaal oer in learaar maatskippijlear en biology dat karakterisearre waard as in ‘strypferhaal sûnder plaatsjes’. Yn 2009 folge by Utjouwerij Bornmeer harren twadde boek: De Frouwepenje. It boek is in fernimstige histoaryske detektive dy’t spilet yn East-Fryslân ûnder it ding fan de Upstalbeam yn 1323.

Bibliografy (mei Jarich Hoekstra)[bewurkje seksje | boarne bewurkje]

proaza
poëzij
  • 2013 - Leffert: In Heldedicht yn Tolve Sangen
oersettings fan stripboeken
  • 1978 - Un Ferhaal fon Asterix de Goljer, nei René Goscinny en Albert Uderzo (yn de stavering neffens it saneamde "Utstel I")
  • 1978 - In Ferhaal fan Asterix de Galjer, nei René Goscinny en Albert Uderzo
  • 1980 - De Gouden Sichte, nei René Goscinny en Albert Uderzo
  • 1981 - De Grutte Kleau, nei René Goscinny en Albert Uderzo
  • 1981 - De Goaten, nei René Goscinny en Albert Uderzo
  • 1994 - De Oare Wrald, nei Marten Toonder
  • 1994 - It Kwea-each, nei Marten Toonder
  • 1995 - De Boppebazen, nei Marten Toonder
  • 1995 - De Aventoeren fan it Sylskip "De Vrijheid": De Aventuren fan Kapitein Rob, diel 1, nei Pieter Kuhn
  • 1996 - It Kukel, nei Marten Toonder
  • 1996 - De Utfalsels, nei Marten Toonder
  • 1996 - It Geheim fan 'e Boskplaat: De Aventoeren van Kapitein Rob, diel 6, nei Pieter Kuhn
  • 1997 - It Fleurige Utkyk, nei Marten Toonder
  • 1997 - It Foarlân, nei Marten Toonder
  • 1997 - De Speurtocht fan 'e "Vrijheid", nei Pieter Kuhn
  • 1997 - De thúsreis fan 'e "Vrijheid", nei Pieter Kuhn
  • 1998 - De Witmûtse, nei Marten Toonder
  • 1998 - Aventoer op Pampus: De Aventoeren fan Kapitein Rob, diel 36, nei Pieter Kuhn
  • 2000 - Uniek, Hm... Unyk, nei Marten Toonder
  • 2000 - De Unistan, nei Maarten Toonder
  • 2001 - De Einichste Ein, nei Marten Toonder
  • 2007 - Tom Poes en it Spoek fan Bommel State, nei Marten Toonder
literêre oersettings

Prizen[bewurkje seksje | boarne bewurkje]

  • 1996: Obe Postmapriis foar de oersettingen It kwea-each en De boppebazen út it Nederlânsk.

Boarnen, noaten en referinsjes[boarne bewurkje]

Boarnen, noaten en/as referinsjes: