Gerrit Benner

Ut Wikipedy
Gean nei: navigaasje, sykje

Gerrit Benner (Ljouwert, 31 july 1897 - Nijemardum, 19 novimber 1981) wie in autodidaktysk keunstskilder.

Libben[bewurkje seksje | boarne bewurkje]

Glêsapplikee foar De Ark yn Helmond

Benner en syn frou Geesje Schaap hiene yn't earstoan in winkel yn galanteryen yn Ljouwert, de saak gie om 1940 hinne lykwols fallyt. In trochstart mei stipe fan in befreone dokter waard neat meidat Benner alline noch mar skilderje woe.
Benner waard benammen bekend troch syn (frijwat) abstrakte, kleurige lânskipsskilderingen yn neo-ekspresjonistyske styl dy't hy pas nei de Twadde Wrâldoarloch makke. Yn 1955 ferhuze er nei Amsterdam, dêr't er it atelier fan Karel Appel brûkte. Hy hie in soad bewûndering foar it wurk fan Hendrik Nicolaas Werkman en oare leden fan De Ploeg en fielde him besibbe oan keunstners as Pablo Picasso en Edvard Munch, mar bleau lykwols Fryske lânskippen skilderjen. Hy fêstige him om 1970 hinne wer yn Fryslân. Hy krige de Priis fan de Stifting Keunstnersferset 1942-1945 yn 1955 fanwege help oan Dútske flechtelingen (dêr't er oars al foar de oarloch mei dwaande wie)[1]; in twadde priis op de 'Biënale fan São Paulo' yn São Paulo, Brazylje; de 'Guggenheim Prize for the Low Countries' yn 1958; en de International Hallmark Art Award New York. De grutte oersjochtentoanstelling, organisearre troch it Kultureel Sintrum yn Venlo, wie yn 1970 en 1971 yn in soad plakken yn Nederlân te besjen. Yn Fryslân bliek doe gjin eksposysjegelegenheid by steat syn wurk te ûntfangen. Yn 2014 wie der in oersjochtentoanstelling fan syn wurk yn tagelyk it Frysk Museum en it Museum Belvedêre.

Syn wurk is ûnder mear yn besit fan it Steedlik Museum (Amsterdam), Van Abbemuseum (Eindhoven), it Frysk Museum, it Museum Twinte (Ynskedee) en it Museum Belvedêre yn Oranjewâld.

Yn 2003 hawwe de Provinsjale Steaten fan Fryslân in twajierlikse priis ynsteld en nei Benner ferneamd. It giet om in oeuvrepriis of in priis foar in keunstner waans wurk resintlik in wichtige ûntwikkeling trochmakke hat. De earste Gerrit Benner Priis foar Byldzjende Keunst waard útrikt yn 2005.

Sjoch ek[bewurkje seksje | boarne bewurkje]

Keppelings om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Ljouwerter Krante 8 oktober 2014, De onverwachte en onbekende kanten fan Benner, n.o.f Doeke Sijens syn biografysk essay oer Benner. s. 36