Museum Belvedêre

Ut Wikipedy
Jump to navigation Jump to search
it museum is oer it wetter hinne boud
Museum Belvedêre

Museum Belvédère is in museum foar moderne en hjoeddeiske keunst yn It Hearrenfean, Fryslân.

It museum hat in aparte ûntsteansskiednis. It komt fuort út de winsk fan trije manlju: Thom Mercuur en de keunstners Boele Bregman en Sjoerd de Vries. Benammen Thom Mercuur dreamde al in hiel skoft oer it opsetten fan in eigen museum, in grutte 'kykkast' foar keunst.
Nei in soad tsjinslach is it him slagge en ferwêzenlikje syn museum. It museum, dat 104 meter lang is en 13 meter breed, leit middenyn it lânskip It Oranjewâld. It is ûntwurpen troch Eerde Schippers. Op 24 novimber 2004 waard it museum en de bûtenpleats iepene troch keninginne Beatrix.

De fêste kolleksje bestiet benammen út wurken fan Fryske keunstners en geastbesibben dy't fierder kwalik yn it iepenbier tentoansteld wurde. Hjirby kin tocht wurde oan keunstners lykas Jan Mankes, Thijs Rinsema, Tames Oud, Gerrit Benner, Boele Bregman, Willem van Althuis en Sjoerd de Vries.

Tentoanstellingen (in kar)[bewurkje seksje | boarne bewurkje]

  • Wahlverwandtschaft fan 15 maaie o/m 16 augustus 2009
  • Eb en Vloed fan 19 desimber 2009 o/m 7 maart 2010
  • Martin Tissing tachtig jaar (12 maart o/m 15 maaie 2016), mei in tal eksposysjes yn Grins.[1]
  • Käthe Kollwitz fan 18 juny t/m 25 septimber 2016.

Sjoch ek[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:

  1. Kunstschilder Martin Tissing bij Cunera RTV Noord 13 maart 2016