Fred Veenstra

	Fred Veenstra
	Fred Veenstra (2015)
	Algemien
Berne	8 novimber 1962
Berteplak	Ten Boer
Funksje	boargemaster fan De Fryske Marren
Sûnt	1 desimber 2015
Partij	CDA
Titels	mr.
	Politike funksjes
-2002	gemeenteriedslid Smellingerlân
2002-2010	wethâlder yn Smellingerlân
2010-2015	boargemaster fan Frjentserteradiel
2015-no	boargemaster fan De Fryske Marren

Fred Veenstra (Ten Boer, 8 novimber 1962) is in Nederlânsk politikus fan it CDA.

Biografy

Veenstra waard berne yn Grinslân, mar waard grut yn de Fryske gemeente Achtkarspelen, yn Bûtenpost, dêr't syn heit molkman wie. Letter wurke syn heit by it sikefûns yn Surhústerfean.

Hy studearre bestjoersrjocht oan de Ryksuniversiteit Grins en wurke dêrnei as amtlik sekretaris fan it buro foar kristlik ûnderwiis yn Ynskedee, dêr't er ek yn de gemeenteried siet. Letter waard er juridysk konsultant by Metrium Onderwijsdiensterverlening yn Ljouwert. Yn de perioade wie er CDA-fraksjefoarsitter yn Drachten en yn 2002 waard er wethâlder yn de gemeente Smellingerlân. Fan 2010 oant 27 novimber 2015 wie er boargemaster fan Frjentsjerteradiel.^[1] Neijier 2015 folge syn beneaming ta boargemaster fan De Fryske Marren.^[2]

Veenstra waard foardroegen en beneamd foar in twadde termyn as boargemaster fan De Fryske Marren mei yngong fan 1 desimber 2021. ^[3]

Op 9 july 2024 hat de gemeenteried fan Smellingerlân Veenstra foardroegen as nije boargemaster.^[4] Yn novimber 2024 folge er Jan Rijpstra, dy't betiid ôftrede, op as boargemaster fan Smellingerlân. ^[5]

Veenstra is njonken syn boargemasterskip fice-foarsitter fan de Ried fan Tafersjoch fan ROC Friese Poort, foarsitter fan de Ried fan Tafersjoch fan Tryater, lid fan de Kommisje fan Berop foar de Examens PCVO Fryslân en boargemasterskontaktpersoan Fryslân/Flevolân foar it CDA.

Hy is troud en hat trije bern. ^[6]

Boarnen, noaten en referinsjes

Boarnen, noaten en/as referinsjes:

↑ Franekeradeel zwaait Veenstra uit webstee Ljouwerter Krante d.d. 27 novimber 2015
↑ Benoeming burgemeester De Fryske Marren Nieuwsbericht Rijksoverheid.nl d.d. 13 novimber 2015
↑ Burgemeester Fred Veenstra mag verder in De Fryske Marren Sjoen d.d. 5 september 2021. Argivearre op 4 septimber 2021.
↑ Gemeenteraad Smallingerland draagt Fred Veenstra voor als nieuwe burgemeester, Nieuwsbericht gemeente Smallingerland d.d. 9july 2024; Argivearre d.d. 10 july 2024
↑ Fred Veenstra nieuwe burgemeester van Smallingerland. Frysk Deiblêd, s. 13, 11 july 2024.
↑ Fred Veenstra wellicht burgemeester Franekeradeel Surhuisterveen.com d.d. 2 oktober 2009. Argivearre op 11 july 2023.

[1] Franekeradeel zwaait Veenstra uit webstee Ljouwerter Krante d.d. 27 novimber 2015

[2] Benoeming burgemeester De Fryske Marren Nieuwsbericht Rijksoverheid.nl d.d. 13 novimber 2015

[3] Burgemeester Fred Veenstra mag verder in De Fryske Marren Sjoen d.d. 5 september 2021. Argivearre op 4 septimber 2021.

[4] Gemeenteraad Smallingerland draagt Fred Veenstra voor als nieuwe burgemeester, Nieuwsbericht gemeente Smallingerland d.d. 9july 2024; Argivearre d.d. 10 july 2024

[5] Fred Veenstra nieuwe burgemeester van Smallingerland. Frysk Deiblêd, s. 13, 11 july 2024.

[6] Fred Veenstra wellicht burgemeester Franekeradeel Surhuisterveen.com d.d. 2 oktober 2009. Argivearre op 11 july 2023.

[1]

[2]

[3]

[4]

[5]

[6]