Behind the Planet of the Apes
| Behind the Planet of the Apes | ||
 film
| ||
| makkers | ||
| regisseur | Kevin Burns en David Comtois | |
| produsint | Shelley Lyons | |
| útfierend produsint |
Kevin Burns | |
| kamerarezjy | Cory Geryak | |
| filmstudio | Van Ness Films Foxstar Productions | |
| distribúsje | 20th Century Fox | |
| voice-over | Roddy McDowall | |
| skaaimerken | ||
| lân/lannen |  Feriene Steaten
| |
| premiêre | 6 septimber 1998 | |
| foarm | lange dokumintêre | |
| sjenre | efter-de-skermendokumintêre | |
| taal | Ingelsk | |
| spyltiid | 127 minuten | |
Behind the Planet of the Apes is in Amerikaanske lange dokumintêre út 1998 ûnder rezjy fan Kevin Burns en David Comtois. De titel betsjut "Efter de Planeet fan 'e Apen". It is in efter-de-skermendokumintêre oer de populêre Planet of the Apes-franchise.
Utgongspunt
[bewurkje seksje | boarne bewurkje]Behind the Planet of the Apes is in efter-de-skermendokumintêre oer de populêre science fiction-franchise Planet of the Apes. De fokus fan 'e film leit yn haadsaak op 'e oarspronklike film Planet of the Apes út 1968 en de fjouwer ferfolchfilms, mar behannelet ek de live-actiontillefyzjesearje Planet of the Apes (1974) en de tekenfilmsearje Return to the Planet of the Apes (1975).
Dêrnjonken wurde de ideeën besprutsen dy't ta it ûntstean fan 'e franchise laten. Sa komt ek de roman La Planète des singes fan 'e Frânske auteur Pierre Boulle op it aljemint en hoe't dat boek de belangstelling wûn fan 'e Amerikaanske filmprodusint Arthur P. Jacobs, dy't dermei nei filmstudio 20th Century Fox gie. Fan elts fan 'e films út 'e franchise (dy't makke wiene doe't de dokumintêre yn 1998 produsearre waard) wurde de preproduksje, casting, opnamen, filmlokaasjes en it kostúmûntwerp besprutsen.
Presintaasje en fraachpetearen
[bewurkje seksje | boarne bewurkje]De dokumintêre, dy't in spyldoer hat fan 2 oeren en 7 minuten, waard presintearre troch Roddy McDowall, dy't ek de voice-over fersoarge by de argyfbylden. McDowall wie ynlik mei de Planet of the Apes-franchise ferbûn, om't er yn 'e oarspronklike film, trije fan 'e fjouwer ferfolchfilms en de live-actiontillefyzjesearje spile hie. (Hy ferstoar hommels minder as in moanne nei de tillefyzjepremiêre fan 'e dokumintêre.) De dokumintêre omfettet fierders fraachpetearen mei:
- Mort Abrahams, de associate producer fan 'e oarspronklike fiif films;
- Richard D. Zanuck, de doetiidske studiobaas fan 20th Century Fox;
- Franklin J. Schaffner, de regisseur fan Planet of the Apes (1968);
- Ted Post, de regisseur fan Beneath the Planet of the Apes;
- Don Taylor, de regisseur fan Escape from the Planet of the Apes;
- J. Lee Thompson, de regisseur fan Conquest of the Planet of the Apes en Battle for the Planet of the Apes;
- John Chambers, fisazjist en ûntwikkeler fan 'e prostetyske make-up foar de akteurs dy't de apen spilen;
- Charlton Heston, akteur yn 'e film Planet of the Apes;
- Edward G. Robinson, akteur yn in testsêne foar de film Planet of the Apes (op argyfbylden);
- James Brolin, akteur yn in testsêne foar de film Planet of the Apes (op argyfbylden);
- Kim Hunter, aktrise yn Planet of the Apes, Beneath the Planet of the Apes en Escape from the Planet of the Apes;
- Maurice Evans, akteur yn Planet of the Apes en Beneath the Planet of the Apes (op argyfbylden);
- Linda Harrison, aktrise yn Planet of the Apes en Beneath the Planet of the Apes;
- Ricardo Montalban, akteur yn Escape from Planet of the Apes en Conquest of the Planet of the Apes;
- Natalie Trundy, frou fan filmprodusint Arthur P. Jacobs en aktrise yn Beneath the Planet of the Apes, Escape from the Planet of the Apes, Conquest of the Planet of the Apes en Battle for the Planet of the Apes;
- James Naughton, akteur yn 'e tillefyzjesearje Planet of the Apes;
- filmhistoarikus Eric Greene;
- filmprodusint Frank Capra jr.;
- produksje-ûntwerper William J. Creber.
Produksje
[bewurkje seksje | boarne bewurkje]Behind the Planet of the Apes waard regissearre troch Kevin Burns en David Comtois, dy't mei Brian Anthony ek it draaiboek foar de film skreaune. As produsinte wie Shelley Lyons by it projekt belutsen foar de filmstudio's Van Ness Films en Foxstar Productions. Burns hie njonken syn rol as regisseur ek it tafersjoch oer de hiele produksje yn 'e hoedanichheid fan útfierend produsint . De kamerarezjy wie yn 'e hannen fan Cory Geryak.
Distribúsje
[bewurkje seksje | boarne bewurkje]De distribúsje fan Behind the Planet of the Apes waard fersoarge troch 20th Century Fox. De dokumintêre waard foar it earst op 'e Amerikaanske tillefyzje útstjoerd troch it tillefyzjekanaal American Movie Classics (AMC) op 6 septimber 1998. Yn 2001 waard Behind the Planet of the Apes tafoege oan 'e dvd-boxset fan 'e fiif oarspronklike films, en hy waard yn 2008 ek taheakke oan 'e blu-ray-boxset.
Keppelings om utens
[bewurkje seksje | boarne bewurkje]| Boarnen, noaten en/as referinsjes: |
|
Foar boarnen en oare literatuer, sjoch ûnder: References, op dizze side. |