Efter-de-skermendokumintêre

Ut Wikipedy
Jump to navigation Jump to search

In efter-de-skermendokumintêre, ek wol bekend ûnder de Ingelske termen behind-the-scenes, on the set of making-of, is in soarte dokumintêre dêr't yn sjen litten wurdt hoe't it der 'efter de skermen' om en ta giet, bygelyks by de produksje fan in film, in tillefyzjeprogramma of in toanielfoarstelling.

Sokke dokumintêres foarmje binnen de filmwrâld in eigen sjenre, temear mei't se hieltyd faker der lingte fan in spylfilm (oardel oere) hawwe. Dêrtroch kin it yn útsûnderlike gefallen foarkomme dat sa'n dokumintêre sels wichtiger wurdt as de film dêr't er oer giet. In bekend foarbyld is Lost in La Mancha, wêryn't ferslach dien wurdt fan 'e muoisume produksje en de úteinlik stopsetting fan 'e plande film The Man Who Killed Don Quixote.

Efter-de-skermendokumintêres oer films dy't wól makke binne, wurde yn 'e regel om 'e datum fan 'e premiêre hinne fertoand as ûnderdiel fan 'e marketing fan 'e produsint. Ek wurde se wol as bonustaheakke tafoege oan dvd-útjeften fan 'e oanbelangjende film.

Boarnen, noaten en referinsjes[boarne bewurkje]

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side.