Arp Hiemstra

Ut Wikipedy
Jump to navigation Jump to search

Arp Hiemstra (Ljouwert, 26 maaie 1922 - dêre, 10 oktober 2007) wie in bekende keatser. As achterynse wûn hy twarres de PC en trije kear de Bûnspartij. Mei 61 earste, 54 twadde en 71 tredde of fjirde prizen helle hy 362 punten foar it Ivich keatsklassemint. Dêrneist waard hy trettjin kear kening mei as hichtepunt de PC fan 1956.

Arp groeide op yn in grifformearde húshâlding as achtste fan tsien bakkersbern en wie yn it earste plak fuotballer by fuotbalklub Nicator en semi-prof by Sportklub Ljouwert en ek noch 2 jier by fuotbalferiening It Hearrenfean. Syn spulynsjoch makke dat er faak oanfierder wie. Syn karriêre as keatser begûn nei de oarloch.

Yn 1944 wûn er fjouwer fan de fiif ledenpartijen fan keatsklub It Noarden. Hy keatste mei mannen Tetman de Vries of de heit fan Piet IJsbrandy, Peke. Syn earste keningskip op in LKC-ledepartij tsjin de lettere maat Theun de Bruin betsjutte syn earste grutte priis. Omdat er sels net fierder leare woe gie er op syn fyftjinde fan skoalle en waard help by in blommist. Syn sterke gefoel foar rjochtfeardigens makke dat er sûnder wurk rekke. Ek letter soed er noch wolris in konflikt krije.

Yn 1950 wûn er de PC mei Marten v.d. Leest en Theun de Bruin. Twa jier letter sit er wer yn de finale. Tusken 1950 - 1955 sit it duo Marten van der Leest en Arp Hiemstra leafst fjouwer kear by de leste fjouwer op de PC. Yn 1956 wint er en wurdt ek kening mei as maten Marten van der Leest en Johan Jansen út Harns. Dit wie syn lêste PC-winst, mar op de Frjentsjerter Bûnspartij geane syn súksessen fierder. Yn 1957 wint hy de Bûnspriis mei Sip van der Zee en Jan Rodenhuis, twa jier letter opnij, no mei broer Dicky van der Zee en Jan Rodenhuis. Yn 1960 nimt LKC de winst wer mei yn in gearstalling mei Rienk de Groot en Jaap Pander en Arp Hiemstra. Yn 1961 wurdt Arp Hiemstra foarynse oant hy as reserve-foarynse yn 1965 stoppet.

Boarnen, noaten en referinsjes[boarne bewurkje]

Boarnen, noaten en/as referinsjes: