Andreae (laach)

Andreae (ek Beucker Andreae; Van Bothnia Andreae; Fockema Andreae; Nauta Andreae) is in patrysjersgeslacht dat oarspronklik út Hitsum kaam. De famylje hat syn namme te tankjen oan de foarnamme ''Andries.'' Gadze Andries (1657-1736) studearre oan de Latynske skoalle fan Frjentsjer en latinisearre syn achternamme ta ''Andreae,'' itjinge studinten yn it ferline faak diene. It geslacht Andreae waard ein 19e iuw opnommen yn it Stam- en Wapenboek fan A.A. Vorsterman van Oijen. Yn de 20ste iuw waard de famylje foar it earst yn de tredde edysje fan 1913 opnommen yn it genealogyske neislachwurk Nederland's Patriciaat. Opname folge nochris yn de edysjes: 29, 77, 78 en 79.

In tal telgen[bewurkje seksje | boarne bewurkje]

Gadze Andries ''Andreae'' (1657-1736) studint oan de Latynske skoalle te Frjentsjer, doktor yn de medisinen en teology, predikant op it eilân Onrust en dêrnei yn Batavia.
- ds. Daniel Hermanus Andreae (1697-1771) studearre teology, wie predikant yn Blije
  - mr. Henricus Beucker Andreae (1736-1806) sekretaris fan de gritenij It Bilt, stamheit fan de achternamme ''Beucker Andrea''
    - mr. Daniel Hermannus Beucker Andreae (1772-1828) rjochter en politikus
      - mr. Gajus Andreae (1805-1887) abbekaat, rjochter by de rjochtbank Snits, letter riedshear by it gerjochtshof Ljouwert.
        mr. Johan Henricus Beucker Andreae (1811-1865) advokaat, boargemaster fan Ljouwert, kommandeur fan de oarder fan de Ikekroan, Ridder yn de Oarder fan de Nederlânske Liuw
        Jouwert Andreae (1812-1876) marine-offisier en politikus
        Sicco Leendert Andreae (1840-1911) rjochter
        Arnoldus Johannes Andreae (1845-1899) notaris en skriuwer