Ahmed Aboutaleb

Ut Wikipedy
Springe nei navigaasje Springe nei sykjen
Pompeblêd.png
Fan dizze side moat de stavering noch hifke wurde.
Jo wurde útnûge om dêr in begjin mei te meitsjen



Ahmed Aboutaleb
AhmedAboutaleb2016.png
Algemien
Berne 29 augustus 1961
Berteplak Beni Sidel, Marokko
Partij PvdA
Relygje Islaam
Titels Ing.
Politike funksjes
2004-2007 Wethâlder yn Amsterdam
2007-2008 Steatssiktaris fan Sosjale Saken en Wurkgelegenheid
2009-no Boargemaster fan Rotterdam

Ahmed Aboutaleb (Berbertalen: ⴰⵃⵎⴻⴷ ⴰⴱⵓⵟⴰⵍⴻⴱ, Arabysk: أحمد أبو طالب); Beni Sidel, Marokko, 29 augustus 1961) is in Nederlânsk politikus fan de Partij fan de Arbeid (PvdA) en sjoernalist. Hy is sûnt 5 jannewaris 2009 boargemaster fan Rotterdam.

Jonkheid en karriêre[bewurkje seksje | boarne bewurkje]

Ahmed Aboutaleb is fan Riffynsk Berbersk komôf. Hy waard berne as in soan fan de Sûnityske imaam yn in lyts doarp, Beni Sidel, yn de provinsje Nador yn it Rifberchtme. Mei syn mem en bruorren ferhûze er yn 1976 nei Nederlân, doe't er 15 jier âld wie. It foel him al gau op dat er oars wie as oare bern. Yn in ynterview sei er: "Ik wie sa oars, ik woe leare, ik woe alles graach witte"[1]

Ahmed Aboutaleb studearre elektrotechnyk mei in spesjalisaasje yn tillekommunikaasje op ferskillende skoallen. Op de Hegere Technyske Skoalle slagge er en krige er in Bachelor of Engineering.

Nei't er slagge wie, fûn er wurk as ferslachjouwer foar Veronica-TV, NOS-Radio en RTL Nijs. Dêrnei wurke er as parsefoarljochter op it Ministearje fan Wolwêzen, Folkssûnens en Kultuer en by de Sosjaal-Ekonomyske Rie. Yn 1998 waard er direkteur fan it platfoarm Forum, dat warber is op it mêd fan multykulturalisme. Dêrnei waard er amtner fan de gemeente Amsterdam.

Polityk[bewurkje seksje | boarne bewurkje]

Ahmed Aboutaleb mei Job Cohen, boargemaster fan Amsterdam op 3 febrewaris 2010

Yn jannewaris 2004 folge Ahmed Aboutaleb Rob Oudkerk op as wethâlder yn Amsterdam, om't dy yn in skandaal tangele wie.

Doe't de PvdA yn 2007 in part fan de nije koälysje yn it kabinet-Balkenende IV waard, waard Aboutaleb frege oft er steatssiktaris fan it Ministearje fan Sosjale Saken en Wurkgelegenheid wurde woe.

Aboutaleb en in oare steatssiktaris, Nebahat Albayrak, dy't fan Turksk komôf is, smieten argewaasje op by Geert Wilders en syn partij, om't dy fûn dat ministers gjin dûbele nasjonaliteiten hawwe moatte soene. Aboutaleb hat in dûbele nasjonaliteit: de Nederlânske en de Marokkaanske.

Oersetter[bewurkje seksje | boarne bewurkje]

Aboutaleb is ek in warber dichter, benammen yn Arabyske gedichten. Hy sette it dichtwurk fan Adunis oer, dy't de ferneamdste dichter is yn de Arabyske taal, dy't hjoed-de-dei libbet en dêr't mar in bytsje fan yn it Nederlânsk oersetten is.

Persoanlik[bewurkje seksje | boarne bewurkje]

Ahmed Aboutaleb is troud en hat trije dochters en in soan. Hy wennet yn de Rotterdamske wyk Kralingen.

Keppeling om utens[bewurkje seksje | boarne bewurkje]

Boarnen, noaten en referinsjes[boarne bewurkje]

Boarnen, noaten en/as referinsjes:
  1. Ahmed Aboutaleb Volkskrant