Vasili Polenov

Ut Wikipedy
Gean nei: navigaasje, sykje
Polenov skildere troch Ilja Repin, 1877

Vasili Dmitrievitsj Polenov (Russysk: Василий Дмитриевич Поленов) (Sint-Petersburch, 1 juny 1844Borok, Oblast Toela, 18 july 1927) wie in Russysk keunstskilder.

Libben en wurk[bewurkje seksje | edit source]

Polenov studearre tagelyk oan de Universiteit fan Sint-Petersburch (rjochten) en oan de Russyske Keunstakademy. Al yn 1869 en 1870 wun er wichtige prizen mei in pear fan syn earste skilderijen. Fan 1872 oant 1876 reizge er troch Jeropa en besocht er ûnder oaren Wenen, München, Feneetsje, Florâns, Napels en foar langere tiid Parys. Dêrnei wie er in skoftke werom yn Ruslân en gie doe as hofskilder nei de Russysk-Turkske Oarloch (1877-1878). Werom yn Moskou sleat er him oan by en de realistyske skildersgroep Peredvizjniki (“de swalkers”). Hy skildere meast histoaryske tafrelen, lânskippen en sjênrestukken. Teffens makke er yn dy snuorje in protte teaterdekoraasjes.

Yn 1881-1882 reizge Polenov troch it Heine Easten en Georgje en skildere op lokaasje. Letter yn 1899 hat er nochris yn dy kontreien wurke. It hat resultearre yn in rige fan 72 skiderijen, 'Ut it libben fan Jezus', dêr't er oant 1909 oan wurke hat.

Fan 1882 oant 1895 wie er learaar oan de Moskouse Hegeskoalle foar skilderkeunst, byldhoukeunst en arsjitektuer. ûnder syn learlingen dêre wienen ûnder oaren Konstantin Korovin, Isaak Levitan en Abram Archipov.

Polenov wie befreone mei Ilja Repin en Rafail Levitski. Hy stoar yn 1927 yn Borok, in lyts doarp ûnder Toela.

Keppeling om utens[bewurkje seksje | edit source]