Napels (stêd)
Ut Wikipedy
Napels (Italjaansk: Napoli; Napolitaansk: Napule) is de tredde stêd fan Itaalje, en de grutste fan Mezzogiorno (Súd-Itaalje). Napels is ek haadstêd fan de Kampanje (Campania) en fan de provinsje Napels. Yn en om de stêd hinne wenje sa'n 3 miljoen minsken.
Napels beskikt oer in rike skiednis, keunst en kultuer, in wrâldferneamde keuken en in eigen dialekt, it Napolitaansk.
[bewurkje seksje] Lizzing
Napels leit oan see, oan de Golf fan Napels. Fan de stêd ôf kin men oer it wetter de fulkaan de Fesuvius lizzen sjen, dêr't oan de foet de ruïnes fan Pompei en Herkulaneum lizze.
[bewurkje seksje] Ferneamde keuken
Op it mêd fan iten en drinken nimt Napels in foaroansteande posysje yn. In protte typyske Italjaanske gerjochten komme út dizze stêd, lykas pizza, Italjaansk iis, espresso en spagetty.
