Armeenje
Ut Wikipedy
|
|||||
 |
|||||
| Offisjele taal | Armeensk | ||||
| Haadstêd | Jerevan | ||||
| Steatsfoarm | Republyk | ||||
| Gebiet % wetter |
29.800 km² 4,5% |
||||
| Ynwenners (2006) | 3.215.800 | ||||
| Munt | Dram (AMD) | ||||
| Tiidsône | UTC +4 | ||||
| Nasjonale feestdei | 21 septimber | ||||
| Lânkoade | ARM | ||||
| Ynternet | .am | ||||
| Tillefoan | 374 | ||||
Armeenje is in lân in Lyts-Aazje. De haadstêd is Jerevan en de president fan de republyk is sûnt 1998 Robert Kocharian
Ynhâld |
[bewurkje seksje] Geografy
[bewurkje seksje] Lizzing
Armeenje leit in Lyts-Aazje en is alhiel troch lân begrinzge, te witten de lannen:
- Geörgje yn it noarden;
- Azerbeidzjan yn it easten;
- Iran yn it suden;
- Turkije yn it westen.
[bewurkje seksje] Lânskip
Armeenje is foar it grutste part bercheftich, mei gjin inkel punt ûnder 400 meter. It heechste punt is de Aragats mei in hichte fan 4095 meter. Fierders binne de grutste rivieren de Hrazdan en de Debed. Armeenje hat troch ûntbosking suver gjin bosken mear. It lân is gemysk fersmoarge mei ûnder oaren DDT, wêrtroch de dochs al minne boaiemkwaliteit noch fierder efterút gien is.
[bewurkje seksje] Skiednis
Yn de rin fan de skiednis hawwe ferskate kultueren en folken hearske oer Armeenje, ûnder oaren: Perzen, Romeinen, Arabieren, Turken, Mongoalen, Griken, Britten en Russen.
Ynearsten waard it gebiet bewenne troch Kaukasyske Albanezen en Skyten yn de 9e ieu f. Kr.. Dêrnei hearsken de Meden dy't troch de Achaemeniden om 550 f. Kr. ferslein waarden. Yn 330 f. Kr. oerweldige Aleksander de Grutte op syn beurt de Achaemeniden. Nei it tiidrek fan de Grykske Seleusiden (dy't de gebieten fan Aleksander urven) ûntstie der in ier ûnôfhinklik keninkryk Armeenje dat fan 190 f. Kr. oant de 8e ieu bestean soe, oant de Arabieren der in ein oan makken. Yn de 11e ieu waarden de Seljuk Turken de oerhearskjende macht. Yn de 13e – 14e ieu hie it gebiet te krijen mei ynvaazjes troch Mongoal-Tartaren. It grutste part fan it lân waard ferwoaste en in soad Armeenjers flechten nei it westen, dêr't sy it keninkryk Silisysk Armeenje stiften. It lêste Armeenske Ryk, ûnder it bestjoer fan de Rubenianen, wurkte gear mei de Krúsfarders.
Yn de 15e ieu waard Armeenje opdield troch Perzje en it Ottomaanske Ryk. Yn de 19e ieu kaam it grutste part ûnder bewâld fan it Russyske Ryk fan de tsaren. Nei de Earste Wrâldkriich makke Armeenje mei Georgje en Azerbeidzjan part út fan de Kaukasyske Federaasje. Tusken 1918 oant 1920 wienen dizze trije lannen ûnôfhinklik. Armeenje ward yn dy tiid oantsjutten as de Demokratyske Republyk Armeenje. Yn 1920 makke it Reade Leger fan de Sowjet Uny in ein oan de ûnôfhinklikens en kaam Armeenje by de Sowjet Uny.
Yn 1988 ûntstie der in konflikt mei Azerbeidzjan oer Nagorno-Karabakh, dat as autonome oblast binnen de Sowjet-Azerbeidzjan lei en dêr't de Armeenjers de mearderheid foarmen. Yn augustus 1990 waard Armeenje ûnôfhinklik fan de Sowjet Uny. It rekke mei Azerbeidzjan yn oarloch oer de enklave Nagorno Karabach dat him ek ûnôfhinklik ferklearre hie.
As gefolch fan in ekonomyske blokkade troch Turkije en Azerbeidzjan liede Armeenje in protte skea. Yn de jierren 90 is mear as in kwart fan de totale befolking emigrearre. De grins mei Turkije is tsjintwurdich noch hieltyd ticht.
[bewurkje seksje] Demografy
[bewurkje seksje] Befolking
De befolking fan Armeenje is 3.215.800 grut (2006) en it lân is de op twa nei tichtst befolke fan de eardere Sowjetuny. Nei it útinoar fallen fan de USSR rûn de befolking ynearsten hurd werom, benammen troch emigraasje nei oare republiken. Dizze delgong is tsjintwurdich ta stân brocht en it falt te ferwachtsjen dat yn 2010 de befolking wer waakse sil.
Etnyske Armeenjers meitsje mei 97.9% it meastepart fan de befolking út, Jazidis 1.3% en Russen 0.5%.
[bewurkje seksje] Talen
De talen dy't yn Armeenje sprutsen wurde binne Armeensk (offisjele taal) en it Russysk.
[bewurkje seksje] Godstsjinst
De wichtichste religy yn Armeenje is it Kristendom. De skiednis fan dat leauwen giet tebek oant de 1e ieu nei Kr. Neffens de tradysje stiften twa fan Jesus syn apostelen: Tadeus en Bartolomeus de Armeenske tsjerke tusken 40-60 n. Kr. Armeenje wie ek de earste steat dy't it Kristendom ta steatsreligy ferklearje soe yn 301. Goed 93% fan de Armeenske befolking heart by de Armeensk-Apostolyske tsjerke.
Oare tsjerken binne:
[bewurkje seksje] Keppeling om utens
- Armenisk søga (Ingelsk)
