Wapen fan Surhústerfean
It wapen fan Surhústerfean is it wapen fan de flekke Surhústerfean, yn de Fryske gemeente Achtkarspelen. It wapen waard yn 1987 registrearre.
Beskriuwing
[bewurkje seksje | boarne bewurkje]De blazoenearring fan it wapen is:
Yn goud in blauwe balke mei oer alles hinne in reade peal; yn 't earste en 't fjirde kertier in swarte turf, yn 't twadde in griene ikel, yn 't tredde in griene klaver. It skyld dutsen fan in gouden flekke-kroan fan trije blêden en twa pearels op in holbân, beset mei trije reade rútfoarmige en twa ovale griene ealstiennen.
De heraldyske kleuren binne: goud, azuer (blau), kiel (read), sabel (swart) en sinopel (grien). It skyld wurdt bedutsen troch in saneamde "flekke-kroan".
Symbolyk
[bewurkje seksje | boarne bewurkje]- Gouden flak: ferwiist nei de sângrûn wêr't it doarp op leit.
- Blauwe balke: stiet foar de Feanster Feart, in feart dy troch in doarp rûn en belangryk wie foar de ôffoer fan winne turf.
- Reade peal: ferwiist nei de dyk nei De Grinzer Pein, dy't de Feanster Feart krúst.
- Turfen: it doarp ûntstie as in feankoloanje yn de 16e iuw.
- Ikel: ferwiist nei de lizzing fan it doarp yn de Fryske Wâlden.
- Klaverblêd: ferwiist nei de gêslannen súdlik fan it doarp.
- Kroan: it wapen wurd bedutsen troch in "flekke kroan", brûkt by wapens fan plakken mei stedske kinmerken (flekke).
